Guwahati, Oct 1: Assam Police-ni Special Investigation Team (SIT) Singapore Police-ni dakchakanichi mingsinggipa Assamese git ring·gipa Zubeen Garg sagini siani bidingo mongsonggipa matnangako man·giparang, Shyamkanu Mahanta aro Siddhartha Sharma-ko rim·aha.
Zubeen sagini manager Sharma-ko Rajasthan-oniko rim·aha aro Northeast Festival-ni chief organiser Mahanta-ko Mongolbar salpaksao Singapore-oni Delhi-ona Air India-ni sildoreng-o rimbapilaha ine koborrangko man·soaha.
Uamang sakgnikon Bharatiya Nyaya Sanhita (BNS), 2023-ni ning·o Section 61(2), 105, aro 106(1)-rangni ning·o badi ka·aha aro da·o Assam Police headquarters, Guwahati-ona rimangenga. SIT-ni uamangko sing·doanirangko dakna skang ua jolo dongtimna bang·a police dolrangko donaha.
Adita salrangna skang, SIT Mahanta aro Sharma-ko sal-10ni gisepo re·bae Zubeen sagini siani bidingo am·sandianirangko bak ra·echina ge·etaniko on·atahachim. Uamangko rim·na skang uamangni nokrangonikoba sandirikkitanirangko dakangaha.
Mahanta-ni adita sak nokni manderang Assam-ni agipi dilgiparang ong·a. Uni adatang Bhaskar Jyoti Mahanta DGP gitcham ong·a aro uni sakgipin adatang Nani Gopal Mahanta Assam-ni skotong minister Himanta Biswa Sarma-ni gitcham education advisor aro da·o Guwahati University-ni Vice Chancellor ong·enga.
Zubeen sagini jikgipa Garima Saikia Garg, nogipa Palme Borthakur aro uamangni mamatangni badi ka·ani ja·mano Sharma aro Mahanta-ko rim·aniko dakaha. Uamangni badi ka·anio Zubeen Garg sagini Singapore-ona bon·kame re·angani somoio unbaksa dongpagipa manderangko bimung mingaha, aro uni siani bidingo chu·gimik am·sandianirangko dakchina mol·molaha.
Na·simang iakoba nina man·gen:
Na·simang iakoba poraina man·gen: Zubeen sagini siani bidingo am·sandiengani gisepo Shyamkanu Mahanta-ni FB page gimaa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
