Guwahati, Oct 19: A·song gimiko Diwali-ko manina nichaksoengon, Assam a·doko ia bilside komibatenga ine nikna man·gen. A·dokni manderang an·tangtangni ka·sabegipa aro mingsingbegipa git ring·gipa Zubeen Garg-ni September 19 tariko Singapore-o sianina kalimengkua.
Pangna bilside da·o gita somoio, Guwahati-ni Fancy Bazar aro gipin antidamrango bang·a manderangni koros ka·anirangko nikronga. Indake ong·genchimoba, ia bilsini Diwali-ode koros ka·gipa manderang komibata maina bang·aan Zubeen sagini rang·gitik a·gilsakko wate re·anganina dukko chake dongengkua.
Robibar salo Zubeen sagini siaoni jasa gapaha aro Assam-ni dingtang dingtang biaprango manderang uko gisik ra·aniko dakenga. Sonapur-o, Zubeen-ko so·chakram biapni sambao salgimikna cultural program-ko ong·atenga jeon uko nam·nikgipa bang·a manderang git ring·anirangchi, dakmesokanirangchi aro bi·anirangchi uko mande ra·anggen.
Anga Diwali-na koros ka·na ianona re·baaha, indiba Zubeen sagini sianina bang·a manderangan ia bilside bomarangko so·na nangja ine aganenga. Angaba iakon chanchia. Ong·anggimin obostarangna chinga namen dukko man·a. Indake ong·genchimoba, bi·sarangko kusi ong·atna chinga bang·gija bosturangko koros ka·enga, indiba ia bilside Diwali maniani namen dingtanga,” ine Fancy Bazar-o boma-rangko brejoljol Rajesh Kumar minggipa mande saksa kobor ra·timgiparangna aganangaha.
“Pala-sim·anirang namen komia. Sorkari chingko bading-chiwalanirangko dakna hukum on·aha indiba kusini dongja. Anga an·tangba Zubeen sagiko namen namnika – angni dokkanni bimungba ZG Fireworks ong·a. Re·anggipa bilsio, chinga salprako gong lak 2.5-3mangni boma aro uandakgiparangko palna man·aha, indiba ia changde gong 50,000mangba ong·ja. Chinga duk ong·a, indiba chinga gimikan Zubeen sagina kakket bichalko nanga,” ine Fancy Bazar-o bomarangko palgipa Sajit Ali parakangaha.
Dal·gimin manderangsan ong·aija indiba bi·sarangba ia bilsini Diwali-o an·saoanirang komienga.
“Zubeen Garg-ko so·otaniko anga namnikjaha. Ia bilsiode anga boma dal·giparangko so·jawa. Zubeen sagi namen namgipa mande ong·achim aro ua chingna namen gamchatgipa ong·a,” ine Farhan minggipa me·a bi·sa saksaba aganangaha.
Ia bilsini Diwali-o, Assam-ni manderang, a·doko pilak manianirangko daka changanti je mandeni gitrangko wate an·saorongachim, ua mandeko gisik ra·na diya-rangko so·e manianirangko daknasienga.
Na·simang iakoba nina man·gen:
Na·simang iakoba poraina man·gen: North East Integration Rally-na pre-launch program-ko ong·ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
