Guwahati, Oct14: Mongolbar salo, All Assam Students’ Union (AASU), Guwahati-ni Dighalipukhuri-o tom·e, mingsinggipa git ring·gipa Zubeen Garg-ni siani bidingo kakket bichalko nanga ine dabiangaha.
“Chingna kakket bichalko nanga –krorni kro Assamese manderangni gisikrango ia chanchianisan dongenga. Zubeen sagini bon·kamgipa somoirangko sawarang chipe ra·aha aro manderangna wataha uko SIT talate on·na nanggen. Singapore-ni autopsy report aro Assam-ni post-mortem-ni report-o dingtanggrikanirang dongama dongja uko Assam-ni manderang ma·sina nanga,” ine AASU-ni President Utpal Sarma kobor ra·timgiparangna parakataha.
“Ring chongipao ringa-cha·aniko ong·atdilgipa Singapore-ni NRI-rangko Assam sorkari-ara maina bakrimchina mol·molenga? Uamang India-ni manderangan ong·a – uamang bakrimna jechakgenchimode, uamangni passport-rangko den·galna nanga. Chinga namedake aro ning·tue sandianirangko nangnikenga,” ineba ua agandapaha.
Sandianirangko dakanio kakketani dongjani gimin SIT-ni agangrikanina okamanio AASU bak ra·jana tik ka·aha ine ua aganangkuaha.
“Chingna kakket bichalko nanga. Zubeen sagina kakket bichalko man·gijade chinga neng·takjawa. Kakket bichalko man·jana kingking chinga jegalanirangko dake sorkarini kosako sinjetanirangko on·angkugen,” ine AASU-ni chief advisor Dr. Samujjal Bhattacharjee talatangaha.
Na·simang iakoba nina man·gen:
Na·simang iakoba poraina man·gen: Nagaland-o sorkari chakrirang salgittamna ‘pen down strike’ ka•enga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
