Tapesia, Sonapur, July 13: Guwahati Science City chuttini salrangko re·atana chatro-chatrirangna nambatsranggipa biaprangoni damsa ong·enga. Da·ororo ritchani ritcha bi·sarang re·bae bang·a dake nianirangko mongsongbate science subjecto jaktangchi dake nie bang·akon skie ra·na chol ra·aniko niknagita man·enga.
Sonapurni Tapesia-o donggipa ia Science City 82 acremang apala, jeon skia porako on·an baksana dingtang dingtang dakgipa an·saoatanirang donga jekai Eureka Gallery, Space Odyssey, digital planetarium aro uarangna agreba jaktangchi dake nie, mikrontangchi nike beberaanirang ki·tapo seana batpile skie ra·na cholrang dong·a.
Unona re·ange nikgipa bi·sarang aro chatro chatrirang indakgipa dingtanggipa skie ra·anirang dongani gimin antangtangni ku·si ong·aniko paraktokaha. Class 7 ni Medhansh Malav Sharman, classroom-o skie ra·enggipaoni namen dingtanganiko ua ia Science City-o nikaha ine ua parakaha. “Bang·batakon chinga ki·taponikosa poraie skia man·enga indiba chinga iano chong·mot a·gilsakra maidake ong·a uko nikna man·enga. Mikkangchi ia biap iana bateba namroro-silrorochina ” ine ua agandapkuaha.
Sakgipin Class 7 ni chatro saksa Suvarnam Samikh Majumdar astronomy aro space scienceni bidingo namen gisik nangatako man·beaha ine agane, iano bang·ani gimin skie rana chol man·kugen, jekai space stationoni a·bachenge astronomy-ona kingking. Chuttimitingo maiba gitalko skie ra·na inode ian namen namgipa biap ong·chongmota ine ua agandapkua·aha.
Class 12-ni chatri saksa Anushya Sharma-ni parakatanigitade, ua Science City-ko oprakani salonin uanona re·na ske dongengachim. Indake dao chuttini sal-o uanona re·angna chol ong·e iano donggipa section ge·prakoniko skie ra·ana chol ong·aha ine ua aganaha.
Siparni Kalita uaba uanona skanggipa changna re·ange nika ia Science City-ko rasong on·e aganaha.
Ia Guwahatini Science City bangbea an·saoatanirangko on·an baksana bang·a chatro chatrirangna chuttini salrango re·ange uie ma·sie ra·na cholko on·enggipa biap ong·enga jean salgro-salaramni damsa niksenggipa biapba ong·a.
Na·simang iakoba nina man·gen:
Na·simang iakoba poraina man·gen: Arunachal-o jimbee mikkarang waani a·sel gilja nokko man·pakanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
