Itanagar, Sept 16: Kasturba Gandhi Balika Vidyalaya-ni (KGBV) sak-90mang chatro-chatrirang Pakke Kessang a·jani Nangnyo minggipa biapo km 65 ong·nasipile re·jomaniko dake skultango subject-rangni skigiparangko rakkichina dabiaha.
An·tangtangni tangsim rongni uniform-rangko gane uamang Robibar-o Nyangno songoni a·bachenge, walni somoio re·jomange a·jani skotong Lemmi-ona Sombar pringo sokangaha ine official saksa parakataha. Walni andalao uamangni re·jomani aro pring wal seng·ao uamangni sokbaani video-rang social media-o gipaha.
Ia re·jomaniko class 11 aro class 12-ni chatro-chatrirang dakdilaha aro uamang skigipa gride skula-ara nok-san ong·aia ine segimin poster-rangko ra·bitenba Geography aro Political Science-na skigiparangko ta·raken rakkichina dabie chrik-a·bokanirangko dakangaha.
Jegalaniko dakanggipa chatro-chatrirang pil·nipil skulko chalaigiparang aro kosakgipa gadangni education official-rango skigiparangko rakkichina mol·molani ja·manba uamangko knachakjani gimin iandakgipa ja·kuko de·na draatako man·aha ine parakataha.
Skul-ni authority-rangba skigipa chu·onggijaniko parakataha. Uandake Geography aro Political Science-ni skigiparang dongja indiba gipin subject-rangnade chu·onga gita skigiparang donga ine headmistress aganaha. “Jadokni porikkarangna skie on·na nanganirangko matchotman·aha,” ine ua janapaha.
Uandake, skulni chatro-chatrirang ia re·jomaniko dakani bidingo hostel-ni warden-na ba skul management-na u·iatjaha ine official-rang parakataha.
Na·simang iakoba nina man·gen:
Na·simang iakoba poraina man·gen: Nagaland-ni scientist saksa quantum research worldwide-o niksenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
