Tura, Nov 2: 2-gipa West Garo Hills Inter Club Taekwondo Championship (Kyorugi) 2025-ko Tura-ni Indoor Sports Hall-o Sonibar salo bon·kame ong·atangaha aro uno Selsella-ni B. P. Inspire School tournament-o medalrangko bang·bate cheenba Best Taekwondo Club trophy-ko man·angaha
Ia salgnina ong·atgipa tournament-ko nadobaenggipa kal·susagiparangni gisepo changa-sapanirangko namdapatna aro tournament-o kal·susae ranta ong·atna ine West Garo Hills Taekwondo Association (WGHTA) District Sports Office aro Meghalaya Taekwondo Association (MTA) baksa ong·atangaha.
B. P. Inspire School, Selsella, chu·gimik Gold medal ge 11, aro silver medal ge 11-ko man·e uamangoni bak ra·gipa sak 38 kal·susagiparang gipin susagiparangko amgopangaha.
Gipin club-rangba ia susaanio nambee dakangaha jekai Casarina Public School Gold medal ge-10 aro Silver medal ge 2, aro St. John’s Secondary School Gold medal ge 9 aro silver medal ge 8-ko man·angaha.
Kal·susaani bon·kamgipa salo tom·anio bak ra·e, TMB-ni CEO Jude Rangku T Sangma, aro WGHTA-ni officialrang – President Salvious P. Marak aro General Secretary Sanang G. Momin chegiparangna boksisrangko sualatangaha. Ia kal·susaanirangko bak ra·anina aro Takewondo-na gisik nanganina, ka·donganina aro changa sapanina, Jude Sangma Garo Hills-ni dingtang dingtang club-rangni bak ra·giparangko mitele aganangaha. Uandake Taekwondo-ara janggi tanganio ranta ka·ani namgipa bewal ong·a ine ua aganenba, pilak bak ra·giparangkon sakgipinrangko mande ra·na, an·tangko bamatna aro kal·susaani gunrangko rakkina didianiko on·angaha.
Ia championship-o West Garo Hills-ni ge-12 club-rangoni sak 183 chadambe kal·susagiparan bak ra·na re·baaha. Uamang dingtang dingtang gadangrango jekai me·a aro me·chik bi·sarangna Sub Junior, Junior, aro Cadet category-rango kg 18-ni ning·aoni kg 62-ni ning·aona ong·giparango Kyorugi-o gisik nange susaangaha.
Na·simang iakoba nina man·gen:
Na·simang iakoba poraina man·gen: Salgro Salaram jolo PM-KUSUM scheme-ni kamrangko ka·anio Tripura a·dok skanggipa biapo ong·enga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
