Agartala, July 22: Tripura a·doko, December 31, 2014-ona kingking, gipin a·songoni re·bae songdonggiparangko India-o songdonggiparang ine channe, Citizenship (Amendment) Act, 2019-ko (CAA) bilaken ra·gatgnok ine Tripura-ni skotong minister Manik Saha Sombar salo parakataha.
“Je manderangan toromni bidingo neng·nikanirangko chagronge Afghanistan, Pakistan, ba Bangladesh-oni re·bae December 31, 2014 ba una skang India-ona napbaa, uamang CAA-ni ning·o India-o songdonggipa ine channako man·gen. Ia tarikni ja·mano napbagiparangkode niam-gri songdonggiparang ine changen,” ine Saha aganaha.
Gipin a·songrangoni napdrabaanirangko champengna, a·doko Special Task Force-ko (STF) bikotaha aro dingtang dingtang biaprangko nitimanirangko nambate dakchina district magistraterang aro police-rangna ge·etanirangko on·aha.
Sima ari-o nitimenggipa sipai dolrang baksa bakrimanichi re·anggipa ja-rango niam-gri napdraanirang aditana komiangaha ine Saha aganaha.
Saha-ni indake parakatanirang-ra, sorkari rikanio BJP-mung bakrimgipa dol Tipra Motha baksa meligrikgijanirangni gisepo ong·a. Tipra Motha-ni dabianiara Indira-Mujib Accord-o pangchake, 1971 Bangladesh Liberation War-ni ja·mano napdrabagipa pilak manderangkon niamgri songdongenggipa ine channani ong·a.
Na·simang iakoba nina man·gen:
Na·simang iakoba poraina man·gen: South Garo Hills-ni game cha·giparang skanggipa changna gulmorisrangko Mumbai-ona watata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
