Shillong, July 22: Chang 10-gipa Meghalaya State Shooting Championship 2025-ko Shillongni Assam Regimental Centre (ARC) Shooting Range-o July 14-oni 20-ona ong·atanio, Shooting Association of North Garo Hills (SANGH) chu·gimik ge-5 Gold aro ge-2 Bronze medalrangko chee, rasong chabee re·bapilaha.
Ia championship-o North Garo Hills a·dokoni sak-15 manderang bak ra·na re·angaha. Gital bikotgipa dolsan ong·e bang·a neng·nikanirangko man·genchimoba, shooter-rang namen gisik nangani aro krenganiko mesokaha.
North Garo Hills-oni medalrangko amgiparang:
Giting Rani M Momin
(Davis C.K Sangma-ni ning·o skie ra·gipa)
🥇 Gold – 10M Air Pistol Youth Women
🥇 Gold – 10M Air Pistol Junior Women
🥇 Gold – 10M Air Pistol Senior Women
🥇 Gold – 50M Free Pistol Senior Women
Jerash K Marak
(Sunny Roagers G Momin-ni ning·o skie ra·gipa)
🥇 Gold – 50M .22 Rifle Open Sight Men
Sunny Roagers G Momin
(an·tang skie ra·gimin)
🥉 Bronze – 50M .22 Rifle Open Sight Men
Chonley K Sangma
(Sunny Roagers G Momin-ni ning·o skie ra·gipa)
🥉 Bronze – 50M .22 Rifle Open Sight Women
Uamangni nambee dakaniara SANGH-na dal·bea chu·sokani ong·a. SANGH-na dakchakgipa aro nama skaniko on·gipa pilakkon mitele, Garo Hills-ni gipin a·jarangkoba shooting sports-ko ranta ka·china aro mikkangchi championship-rango chu·sokanirangko ra·bana bang·bata manderangko bak ra·china didianiko on·aha.
Na·simang iakoba nina man·gen:
Na·simang iakoba poraina man·gen: 2014 bilsiona songdonggiparangko channe Tripura-o CAA-ko ra·gatnasia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
