Shillong, Sept 28: College rangni gisepo nambatsrangipa ine mingsinga man•gipa Seng Khasi College, 2020 Batch Graduation Ceremony-ko September 28 tariko maniangaha. Ia manianiona niksenggipa manderang re•bae bakko ra•anichi, institution aro graduate ong•gipa chatro chatrirangna mikkim rasong dongatan baksa gisik ra•gnigipa salba ong•ataha.

Ia manianio, Seng Khasi Kmie-ni Padot, Rgh. O. Pyngrope mongsonggipa sokgipa ong•aha. Indake ua somoio graduate ong•enggiparang an•tangtangni dondikgija jotton ka•aniko watgaljachina aro uamangni miksonganio kim•kim ong•e jajaagri on•kange songreangkuchina ine ua didiataha.

Ia College -ni Principal Shri. W.B. Rynjah ba, ia institution -o poraia skia man•anio aro songsaro bakrimanianio nangchongmotaniko ning•tue ma•sigiparang ong•ako niksamsoenga inenba jinmana aganataha. Ia graduate ong•enggipa chatro chatrirang, institution ni aro songsaro silroro namroroanina on•gilpani gamchataniko uamang mikkangchi ka•sae jakalanggen ine ka•donganikoba ua parakataha.

Ia salo sak 244 graduate rang an•tangtangni academic regalia-ko gane chinenba, uamangni cheani salko gisik ra•gni sal ong•ataha.

Iakoba poraie nina man·gen: A·gilsak gimikchi manianga gitan, Eid Milad-un-Nabi-ko Shillong-oba maniangpaa

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub