Shillong, Nov 19: 2023 bilsini Meghalaya Assembly election-na dingtang dingtang dolrang kamrangko ka•sotokengahaon, Sukrobar salo gital MLA Ardent Miller Basaiawmoit-ni dilanichi a•doko The Voice of People Party (VPP) dolko Shillong songjinmani Laitkor-o bikotskaaha.Sukrobar salo ia dolni president Ardent Basaiawmoit-ni dilanichi skanggipa tom•aniko Laitkor-ni Kynton U Mon-o ong•atangenba, ia VPP dolko bikotaha.

Ia gital political dolko bikotani bidingo talataniko on•angengon, Meghalaya a•dokko gital daktaina, tangatpiltaina aro dingtangatna miksonge ia VPP dolko songaha ine VPP-ni president Basaiawmoit parakataha.Basaiawmoit-ni parakatani gitade, Meghalaya a•doko gimagimin nitoaniko aro samtangtango ong•telaigiparangko tangatpilna, a•doko gimagimin mikkim rasongko ra•bapilna aro a•dokni economy-ko gital dake tangchaatpiltaina miksonganio ia dolko bikotaha.

Ia gital political dolni nisanko tangsim aro gipok rongrangchi tarigen indiba noksakode ja•mano parakatgen ineba Basaiawmoit parakataha.

Ia tom•anio VPP-ni constitution ba niamrangkoba tarie on•angjolaha.