Shillong, May 29: Jowai-ni Kiang Nangbah Stadium-o West Jaintia District Sports Association-ni ong·atanggipa 3rd Division Football Tournament ba jekon, 2nd U Adelbert Laloo Memorial Trophy ineba mingachim, ia robol kal·susaani Sonibar salo matchotangaha aro ia bon·kamgipa kal·susaanio Maitchaphrang Mootyrchiah aro Khliehmuchut Shangpung dolrangni gisepo kal·susaangenba, ia kal·susaaniko Maitchaphrang Mootyrchiah, goal 2-1-chi cheangna gita man·aha.

Maitchaphrang dolna Sanborlang Tang aro Risanlang Dkhar goal-rangko chipe on·aha aro Khliehmuchut Shangpung dolni goal-sakora Arwan Phadong chipskaaha.

Ia Football Tournament ba kal·a gimiko Best Goalkeeper-ni boksisko Mookyrdup dolni Damiki Tyngkan man·aha aro Man of the Match-ni boksisko Maitchaphrang Mootyrchiah dolni Shanborlang Tang-na on·skaaha. Man of the Tournament-ni boksiskoba Maitchaphrang Mootyrchiah dolni Risanlang Dkhar-na on·aha.