Shillong, Dec 1: Shillong songjinmani Courtyard Marriot-o ong•atanggipa brigipa Organic Youth Sumit-ko matchotatani salo, Meghalaya a•dokni Chief Minister Conrad K Sangma-ba dongpae bak ra•angaha. Ia program baksana skanggipa Northeast India Organic Week-cum-Buyer Seller Meet-koba apsan ong•atangaha.
Ia tom•bimonganio a•dokni Chief Minister, jinmana aganprakengon, sorkarini pilak program aro niamrangara, a•doko game ge•e cha•giparangko dakchakna aro ra•dona gita miksonge tarigipa program-rangan ong•a ine aganenba, ia salgittamna program-ko ong•atanichi game ge•e cha•giparang bang•en namgnirangko man•gnok ine an•tangni ka•dongchakenganiko parakangaha.
Organic Mission-ni gimin janapatengon, ian a•doko chengoni ma•gitcham pagitchamrangni gama ge•anio u•i-ma•siani aro daka rikaniko ja•rikbaanian ong•a ine Chief Minister aganaha.
Gama ge•ani, tourism aro manderangna dangdike on•anian sorkarina mongsonggipa kamrang ong•a ine janapatskaengon, tourism-ni kamrango organic mission baksana bading chiwalani program-rangko chu•sokatna gita sorkari rakbee kamko ka•enga ine Sangma aganaha.
Ia program-ko Shillong-o ong•atahani gimin an•tangni kusi ong•aniko parakatskaengon, ia summit ba tom•bimonganiko ong•atanichi a•doko pagitcham ma•gitchamrangni dakrongbaenga gita ong•telaigipa a•salrangchi gama ge•aniko a•gilsak gimiknan mesokatna cholko man•aha ine Chief Minister aganaha.
Ja•mano ua, gipin a•songrangoni re•bagipa manderang baksa agangrikenba, a•doko gama ge•ani aro dingtang dingtang kamrangni gimin sing•anirangna aganchakanirangko on•angaha.
Na·simang iakoba nina man·gen:
Na·simang iakoba poraina man·gen: Assam-M’laya sima ari-o gital kajia-golmal ong•a; Pilingkata-o adita sak mata-buako man•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
