Guwahati, Dec 1: Robibar salo Assam-Meghalaya sima ari-ni Pilingkata jolo a•dok damgnini manderang kajia-golmal ong•enba adita manderang mata-buanirangko man•aha.
Golmal ong•enggipa sima ari jolo biapni bimungko see dongiminko ra•galani ja•mano kajia-golmalrang a•bachengaha ine kobor man•aha. Meghalaya-oni me•chikrang Assam-ni me•chikrangko chadrape dolgnini gisepo kajia-golmalrangko batroroataha.
Golmal ong•ani kobor giproroon, dolgnini manderangan ua biapona bang•batroroe sokbaenba namen so•sojengjeng ong•aniona sokaha. Bang•a manderangan mata-buako man•ahachim, indiba badita sak mancha dongachim uko namedake u•ikujaenga. Da•ona kingking darangkoba rim•anirangko dakkuja.
Ia kajia-golmal ong•anirang a•dok damgnini gisepo donggipa sima ari-o ong•gipa obostarangko mesoka, uandake Assam ro Meghalaya-ni gisepo bang•a biaprango kajia ong•anirangko namatna March 2022 Memorandum of Understanding-ko soi ka•genchimoba tom•tomaniko da•ona kingkingba nikna man•kujaenga. Ia MoU-o janapgiminrangoni Pilingkata-ba biap damsa ong•a. Ua somoio badiaba songrangko Meghalaya-na pakwate on•genchimoba badiaba jolrangode sima ari-na meligrikgijanirang dongengkua.
Uandake a•sel ong•dapanirangko champengsona gita police dolrangko bang•bate ua biapona watataha, aro a•dok damgnini dilgiparangan ia obostarangko nirokatenga.
Na·simang iakoba nina man·gen:
Na·simang iakoba poraina man·gen: 6-gipa M’laya Saras Aajeevika Fair-ko CM do•ga oe on•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
