Shillong, Dec 1: Dokgipa changna ong•atenggipa Meghalaya Saras Aajeevika Fair 2025-ko Sombar salo, Meghalaya a•dokni Chief Minister Conrad K Sangma, a•dokni C&RD Minister Sosthenes Sohtun aro gipinrangni mikkango, Shillong songjinmani U Soso Tham Auditorium-o a•bachengate on•angaha.
Ia Saras Aajeevika Fair-ko a•bachengate on•anganio a•dokni Chief Minister, jinmana aganprakengon, ia salara, songadam nokadamrango me•chikrangni rakbee kamrangko ka•anichi an•tangtangnasan ong•aigija songo noko janggi tangani cholrangko tarianio chu•sokaniko manianiba ong•enga ine parakataha.
A•doko self help group (SHG)-rangni chu•sokgipa ong•engani gimin janapangengon, scheme-rangchisan ong•aigija me•chikrang, bading chiwalgiparang, game ge•e cha•giparang aro chadamberangni janggi tanganio dingtanganiko ra•bana gita sorkari, dingtang cholrangchiba kamrangko ka•ahani gimin da•alo dingtanganiko nikna man•engaha ine Chief Minister aganaha.
Meghalaya a•doko da•o SHG-rang dol 55,000 gapengahani gimin SHG-rangni dal•rorobaaniko nipilatengon, SHG-rangni dal•rorobaaniara janggi tanganiko dingtangatna ja•ku de•ani giminsan ong•ja indiba a•doko an•o donggipa me•chikrangni sianirang bilongengmiting somoio ma•giparangni janggirangko jokatna kam ka•ani a•selba ong•aha ine Chief Minister aganaha.
A•doko economy-ni dal•roroengani gimin janapangskaengon, Meghalaya a•dokba India a•songo ta•rakbatsrange dal•roroenggipa a•dokrangoni gnigipa ong•enga aro ia pilakan bading chiwalani kamrango sorkarini tangka paisarangko koros ka•ani gimin ong•a ine Chief Minister aganaha.
Dingtang dingtang bading chiwalani program-rangko ong•ate, SHG-rangko mangrakbatroroatna nangengani gimin janapangengon, a•doko, mongsongbate songadam nokadamrango dingtanganiko ra•baengani gimin ua dingtangmancha self help group-rangkoba mittelpilangaha.
Ia tom•bimonganio a•dokni Chief Minister aro gipin dilgiparang, je songrangon anganwadi centre-rang aro village organization-rang dongja, uandakgipa biaprango an•o donggipa me•chikrangna Transit Home-rangko kulie dakchakahani gimin songni nokni manderangna dingtangmancha mande ra•pilskaanikoba dakangaha.
Na·simang iakoba nina man·gen:
Na·simang iakoba poraina man·gen: AIUDF, chasongna songdongbaenggipa manderangko a·rike galanina Assam sorkariko matnangata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
