Shillong, May 22: University-o poraienggipa chatro-chatrirangni adita ming dabianirangko knachakjanina matnange, Khasi Students’ Union (NEHU) unit, University-ni Vice Chancellor (VC) Professor Prabha Shankar Sukhla-ni office-ko tekchange donatna gita Sombar salo tik ka·angaha.

Students’ Union, batanggimin somoionin University-o poraienggipa chatro-chatrirangna mongsong nanggiparang jekai re·a-doani, hostelo nanganirang baksana minggipinrangko on·chinaa gita dabiengachim.

A·bachengode, university-ni chatro dol, Vice Chancellor-ko gronge agangrikna somoiko ra·ahachim, indiba VC, NEHU KSU-ni manderangko grongna jechakahani giminsa uni office-ko chipe donatna nangao ga·akaha.

Indake ong·engon, chatrorangni pilak dabianirangko knachakna kusi ong·ja dipetde University-ni Vice Chancellor-ko gronge agangrikpilna maming miksongani dongja ine KSU parakataha.