Aizawl, June 30: Mizoram a·dokni Skotong Minister Pu Laduhoma, a·doko drugs jakkalani batroroenganiko champengsona nangrime kamko ka·na a·dokni manderangko ku·mongataha.
Central Young Mizo Association (CYMA), Drug Disposal Programme-ko Sombar salo, Aizawl-ni Central YMA Hall-o ong·atangaha aro ia programme-o Skotong Minister mongsonggipa sokgipa ong·e bak ra·angaha.
Ia programme-o 2025 bilsini March 15-oni June jaona CADS-ni jakchi rim·gipa gong crore 4.29 mang damni pekatgipa bosturangko nosto ka·e galaha.
Chadamberangni pekatgipa bosturangko jakkalanio addict ong·ako champengsona gita namnamgipa rehabilitation centre-rangko rikan baksa janggi tangani cholrangko on·a gita skill training-rangkoba skie on·chapna nanggen ine janapan baksa, a·dok sorkari giljani dilgiparang baksa iani bidingo golpogrikenga aro rehabilitation centre-rangko rikna ku·mongenga ine Skotong Minister aganaha.
Iandakgipa programme-rangko ong·atanina YMA-koba ua mitelpilskaaniko dakangaha aro iandake drugs jakkalaniko bon·atna ku·monge kam ka·china sakantikon ua didiataha.
CYMA-ni Padot Pu Lalhmachhuana-ba, CADS-ni rim·gipa drugs ba pekatgipa bosturangko nosto ka·e galani gimin talate on·angengon, uamang sak 809 manderangko drugs-ni case-o rim·aha aro uamangoni sak 440 manderangna counselling-ko on·enga, sak 37-ko rehabilitation centre-rango donenga, sak 48-ko Excise Department-na pakwatataha aro sak 4-ko Police-na on·ataha ine aganaha.
Indake mikkangchiba, mande janggina aro samtangtango donggiparangna kenchakani dongengani gimin CADS, kraa bewalo pekatgipa bosturangko nosto ka·e galangkugen ineba ua aganaha.
Na·simang ia video-koba nina man·gen:
Na·simang iakoba poraina man·gen: Manipur-o mande sakbriko ma•sina man•gijagipa manderang goe gala
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
