Shillong, Nov 12: Ri-Bhoi a·jani Lumsohpet Bneng-o, PRIME Meghalaya aro Centre of Learning, Knowledge and Services (COLkS)-ni gita November jani 10 tarikoni 15 tarikona chong·motan sal 6-na sabon aro detergent tariani bidingo training program-ko ong·atenga.
Ia training program-o practical lesson-rang, jaktangchi tarie niani aro sak 27 bakko ra·giparangna maikai sabonrangko tariachim uarangko skie on·an baksana an·tangtang chonchongipa bading chiwalaniko a·bachengatna ka·donganiko ra·bana dakchakaniko on·anggen.
Umling-oni PRP Soap Enterprise-ko a·bachengatgipa, ia training program-ko ong·atanichi sabon tarianio dakna nanggni kamrangko rongtalbatatahani gimin da·ode ua an·tangan sabonrangko tarina man·aignok ine ka·donganiko parakataha.
Wahumlein-ni Leadingwell Rangdong, ia training program-ara uni janggi tanganio dingtanganiko ra·baaha maina ua sabonrangko maidake tariachim uko skie ra·na man·enba, da·o ua chonbegipa bading chiwalaniko a·bachengatna ka·dongaignok ine an·tangni bebe ra·aniko u·iataha.
PRIME Meghalaya dolni manderangba ia session-o dongpae maikai uamang jolni entrepreneurs ba bading chiwalgiparangna dingtang dingtang dakchakanirangko on·engachim uarangni bidingo agan-talate on·angaha.
PRIME Meghalaya aro COLKS-ni apsan nangrime kamrangko ka·ani miksonganiara, Meghalaya a·doko songdongenggipa manderangna nambata janggi tangani cholrangko man·a gita uamangna changa sapani baksana u·i-ma·sianirangko skie ra·anio dakchakaniko on·anian ong·a.
Na·simang iakoba nina man·gen:
Na·simang iakoba poraina man·gen: SSA scheme-ko ma·mong sorkari bon·atgenchimoba a·dok sorkari chalaiangkugen ine Minister ku·rachaka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
