Dibrugarh, May 25: All Assam Students’ Union (ASSU)-ni dilgipa Samar Jyoti Gogain-ko man·chape bobil dolrangna tangka paisani gita dakchakanio bak dongpagipa ine matnangako man·gipa sak 5 manderangko Tinsukia Police rim·aha. Tinsukia-o sekdrae ra·gipa tangka paisa chimonggiminrangko Salgro Salaram jolni a·palo donggipa bobil dolrangna watatna am·enga ine koborrangko man·soenba uamang am·sandianiko a·bachengataha ine police-rang u·iataha.
Additional Superintendent of Police (HQ) Mrinmoy Das and ASP (Crime) Dinesh Pratap Singh Rathore, police-rang skanggipa kobor ra·timgipa Debashish Gohain-ko rim·aha aro sing·sandianiko dakanio ua adita u·itanirangko on·angaha, jean ia case-ko Maharashtra-ni Palghar a·jao donggipa Sheikh Bashir baksa nangdimataha ine Joint Press Conference-o u·iatangaha. Tinsukia police, Salgro Salaram jolrang aro sepangjolo donggipa a·songrangona songreaniko dakronggipa Bashir-ko ja·mano Maharashtra Police-ni dakchakanichi rim·na man·aha aro sing·sandianirangko dakangkuna gita uko Assam-ona rimbaengaha.
Am·sandianiko dakanganio police-rang, Tinsukia-o donggipa AASU-ni AGS Samar Jyoti Gohain aro Jorhat-ni Deepu Chetia Patra baksana Naharkatia-ni Mritunjay Konwar-ko rim·dapaha. Police-rangni chanchichipani gitade, ia tangkarangara champenggimin ULFA-Independent dolna chimonggimin ong·a jekon dingtang dingtang bank account-rang gita watataha.
Ia matnangako man·gipa manderangni kosako Bharatiya Nyaya Sanhita, UAPA, Explosive Substances Act, and Arms Act-ni ning·o case-ko segataha. Police-rang, uamangni chong·mot miksongani baksana ia terror funding case-o bak donggipa manderangko sandina gita am·sandianirangko dakengkua ine u·iataha.
Na·simang iakoba nina man·gen:
Na·simang iakoba poraina man·gen: Living root bridges-ko ripinganina M’laya-ni Hally War-na Padma Shri-ko on∙anggen
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
