Shillong, May 25: East Khasi Hills a∙jani mingsinggipa living root bridge-rangko Khasi dakbewalo ja∙rike tanggipa sam-bolrangko ripingna bilsi sotbonga bate kam ka∙anina Meghalaya-ni environmentalist Hally War-na Pada Shri award-ko on∙anggen.
East Khasi Hills a∙jao songdonggipa War, Ficus elastica bolrangni nakatgipa ja∙dilrangko chibimarang aro chiringrangni kosako dingtangmanchagipa dakbewalko ja∙rike dollong channe kaanirangko bilsi 50-na baten ranta ka∙anirangko dakaha. Ia dakbewalara chasongni chasongna Khasi manderangni ja∙rikbaenggipa ong∙a aro ian ma∙ambioni man∙rikrikbagipa pangkamgipa dakbewal aro ong∙telaigipa samtangtangko ripingna dakchakgipa ong∙a.
Living Root Bridges-ko East Khasi Hills-ni songrango nikna man∙a aro uarangko uarangni baianina aro samtangtang baksa nisigija bakrimanina a∙gilsak gimiko mingsinganiko man∙aha. Badiaba dolongrang bilsi ritchasanaba bataha aro uarango bang∙a manderang changsano gadona man∙a.
Ia dolongrangko tariani aro rakkiani bewalrangko segate donani, nosto ong∙arangko taripilani aro chadamberangna skie on∙anirango War-ni ja∙ku de∙anirangan mongsonggipa ong∙aha. Adita bilsirangna skang, ia dolongrang Meghalaya-ni dingtangmanchagipa dakbewalni chin aro pangkamgipa tourism-niba mongsonggipa bak ong∙aha.
Padma Shri-ara India-ni brigipa dal∙batgipa civilian award ong∙a aro uko dingtang dingtang kamrango niksenggiparangna on∙a. Official award ceremony-ko ja∙mano ia bilsini bako ong∙atanggen.
Na·simang iakoba nina man·gen:
Na·simang iakoba poraina man·gen: 4-gipa P. A. Sangma Memorial Cricket Tournament-o Shallang Super Cops chegipa ong∙anga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
