Tura, May 24: Chang 4-gipa P. A. Sangma Memorial Day & Night Cricket Tournament-ni bon∙kamgipa kal∙susaaniko Robibar salo Tura-ni Police Parade Ground-o ong∙atangaha aro unona ritchani ritcha cricket-na gisik nanggipa manderang nina re∙batokaha. 2026 bilsini kal∙susaanirangona ge 84 team-rang bak ra∙e chu∙gimik ge 81 kal∙susaanirango bak ra∙angaha.
Bon∙kamgipa 10-over kal∙susaanio Shallang Super Cops aro Club Mean Machine-ni gisepo namen susaangaha. Shallang Super Cops uamangni 10.0 over-rangoni 123/8 man∙aha. Mean Machine-ba namen krengangaha indiba on∙tisani pal ja∙manchakrike 10.0 over-rango 120.6 man∙angaha.
3 run-rangchi bate, Shallang Super Cops chegipani trophy baksana gong lak 3 tangkarangko man∙aha. Mean Machine runner’s up trophy-ko man∙e, gong lak sa tangkarangko man∙angaha.
Ia tournament-ni nambatgipa kal∙sugiparangna dingtang dingtang boksisrangko on∙angaha. Shallang Super Cops-ni Denikcheng Ch Marak, Man of the Match-ko man∙aha, aro Mean Machine-ni Dipankar Hajong Best Bowler-ko man∙aha, aro una agreba, Man of the Series-ko Chidare team-ni Chinabirth man∙angskaaha.
Bon∙kamgipa kal∙susaanio bang∙a a∙gipi dilgiparang bak ra∙angaha jekai Rangsakona-ni MLA Subir Marak; Mahendraganj-ni MLA Sanjay Sangma; Salmanpara-ni MLA Ian Botham Sangma; TMB-ni Chairman J. D. Sangma; MCA-ni president gitcham Danny Marak, aro GHADC-ni MDC-rang – Sanjay Koch aro Linekar Sangma.
Na·simang iakoba nina man·gen:
Na·simang iakoba poraina man·gen: Dubai-o sianggipa A·chik skigipani manggisiko noktangona ra·baa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
