Tura, May 24: Doka dam·aniko skie on·enggipa Kresitha Gabil Momin, jean May-ni 21 tariko Dubai-o siangahachim, Robibar pringo uni manggisiko Air Arabia flight-o Delhi-ona ra·baaha aro uni ja·man gipin flight-o Guwahati-ona ra·bae, joljol uni nokdangni manderang, uni manggisiko nokona ra·angaha.
Rongjeng-oni bilsi 41 ong·gipa Kresitha G Momin, Dubai-ni Arab Unity School LLC-o violin salaniko skie on·engachim aro ua re·anggipa May-ni 15 tariko tanggitik ka·tong saaniko man·e, Dubai-ni Mirdif Private Hospital-o sannako man·engachim. Indake ong·genchimoba ua nampilna gita man·jae, May-ni 21 tariko a·gilsakko watangaha.
Kresitha-ni siangani ja·man, uni manggisiko India-ona aro uni noktangona ra·bapilna gita dingtang dingtang neng·nikanirangko chagrongna nangengachim indiba ja·mano nokdangni manderang, a·dokni Chief Minister Conrad K Sangma, Rongjeng-ni MLA Jim M Sangma aro a·dok sorkarini official-rangko mol·molaton, uni manggisiko ra·bana ta·raken dakchakanirangko bi·ataha aro Robibar pringo uni manggisiko New Delhi-ona, Air Arabia flight-o sokbaate on·aha.
New Delhi-ona sokbaani ja·man Kresitha-ni manggisiko dingtang sildorengo, Guwahati-ona ra·baaha aro uni manggisiko nokdangni manderang, gipinrang baksa Guwahati-o ra·chaksoaha.
Guwahati Airport-o Kresitha-ni manggisiko ra·chaksoani ja·man nokdangni manderang, Hub News baksa agangrikengon, uni manggisiko indita chel·begipa biaponiko ra·bana gita pilak nanga dakchakanirangko on·ahani gimin a·dokni Chief Minister Conrad K Sangma, Rongjeng MLA Jim M Sangma, Meghalaya sorkari aro gipinrangkoba mittelpilangaha. Una agreba Kresitha-ni manggisiko Dubai-oni uni noktangona ra·bapilanio unbaksa re·chapbae pilak nanga dakchakanirangko on·ahani gimin uamang, Dubai-ni Indian Embassy aro Dubai-o kam ka·enggipa Isaac Shadap-koba mittelpilangaha.
Kresitha-ni manggisiko ra·bana gita pilak nanga dakchakanirangko on·ahani gimin Rongjeng-ni MLA Jim M Sangma-ba, a·dokni Chief Minister Conrad K Sangma aro Meghalaya sorkariko mittelpilangaha.
Na·simang iakoba nina man·gen:
Na·simang iakoba poraina man·gen: Wari Chora-ona dakanggipao silni jang·keko taria
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
