Sikkim, June 6: Mikka balwa rakanichi North Sikkim-o a·arang be·rurue so·sojengjeng ong·anirangko man·engon, pilak jachange donggipa touristrangko Chatten-oniko rimongkatna man·aha. Gnigipa changna adasurangko (helicopter) jakkale, songdonggipa sak 17 manderangko chane chu·gimik sak 44 manderangko da·alo Grenfield Airport, Pakyong-ona MI-02 aro MI-39 adasurango rimangaha. Una agreba, jachange donggipa biapo kam ka·enggipa sipairangna nangchongmotgipa bosturangko ra·ange on·naba adasurangko jakkalaha.
Pilak touristrangko Chatten-oni rimongkatna man·ahani gimin, knaloni dipetde nangchongmotgipa bosturangko ra·ange on·na aro kosakgipa biaprango jachange donggipa songdonggipa manderangko rimongkatna adasurangko watpiltaigen. Obostako nirokna aro somoi gita dakchakaniko on·na dilgiparang krenge kamrangko ka·enga.
Mikka jimbee waani a·sel ia antini a·bachengo Chatten-o namen a·a be·ruruaha aro uandaken Lachen aro Salgrochipakde darangba re·angna aro re·bana man·jaha. Uandake a·dokni dilgiparang aro disaster response dolrang melie, adasurangko jakkale manderangko sandie rimongkataniko dakskaaha.
Na·simang ia video-koba nina man·gen:
Na·simang iakoba poraina man·gen: Raja Raghuwanshi aro Sonamni bidingo CBI chi sandirokatchina nokni manderang Prime ministerna seachi uiata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
