Shillong, June 6: Indore songjinmaoni bia ka·daldale Meghalayaona songrebagipa Raja Raghuwanshi ni siani aro uni jikgipa Sonam da·alonaba gimae dongengani gimin ua chong·mot a·selko CBI chi sandirikitaniko dakchina nokni manderang Indiani Prime Minister Narendra Modina seachi mol·molataha.
Raja aro Sonam bia ka·daldale honeymoon-na Meghalaya a·dokona May 11 tariko re·baahachim. Uamang jiksesa 23 tarik attamo nokni manderang baksa agangrikchotaha, un attamonin uamangni phone switch off ong·aha aro maming koborkon man·chipgija dongaha. June 2 tariko Cherapunji sepangni Sohrarim minggipa biapo Rajani sigimin manggisiko man·aha indiba jikgipa Sonamni bidingo mamingkoba uigija dongenga.Police dolrang Sonamni bidingo sandiani kamko ka·enga indiba maming sakkikon man·kujaenga.
“CBI chi sandirokaniko dakchina chinga a·songni Prime Minister Narendra Modina chittiko seataha aro Sonamko sandiechina chinga mol·molaha” Rajani jonggipa Vipul Raghuwanshi aganaha.
Na·simang ia video-koba nina man·gen:
Na·simang iakoba poraina man·gen: Chi bananichi duko ga•akenggiparangko dakchakna Australia-ni chadambe saksa gitrangko ring•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
