Guwahati, Jun 6: Assam a•doko chi bananirangchi neng•nikanirangko man•enggipa manderangna dakchakanirangko on•na gita Australia a•songoni John minggipa chadambe saksa, Lakhimpur-ni ramarango gitrangko ring•aha.
Ia chadambe, Arunachal Pradesh a•dokni Ziro-ona re•baanio, salsanasan Lakhimpur-ni Dikpal Lahon minggipa mandeni nokona re•baahachim indiba ia jolrango chi bananirangchi manderangni duko ga•akenganiko nike ua gitrangko ring•e manderangna dakchakna gita Lakhimpur-o salgittamna dongangkuaha.
Duko ga•akenggipa manderangna tangka paisarangko on•gilchina ua ramarango gitrangko ring•e mesokaha aro bang•a manderangan uni gitrangchi ka•dimeataniko man•tokaha.
Iani bidingo kobor ra•timgipa manderang baksa agangrikengon, ia jolrangona dakbagipa ramarangko chi pe•angahani a•sel cha•ani ringani aro manderangni nangchongmotgipa bosturangko ra•bana man•jae manderang neng•nikanirangko chagrongna nangtokenga aro iandake manderangni dukni somoio maming dakchakanirangko on•na man•pajaoba ua, gitrangko ring•e, duko ga•akenggipa manderangna je man•paako on•na miksongaha ine John aganaha.
Australia a•songo inditana mande jelbra jelsujagenchimoba aro chi bananirangchi manderang inditana nangchakeanirangko man•jagenchimoba, ong•telaigipa a•selrangkode chagrongna nangrongaia aro iandakgipa somoirango pangnan manderangni aro sorkarini dakchakanirangko man•ronga ineba ua aganaha.
John-ni iandakgipa kamara, maming torom ba jatna mikkang niteani gri, mandeskana ka•sae dakchake on•anian ong•a.
Na·simang ia video-koba nina man·gen:
Na·simang iakoba poraina man·gen: Meghalaya ‘Clean Shillong 2027” Missionko oprake on·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
