Shillong, June 6: Meghalaya Games 2027 sepangbaroroengon, Shillongko Indiani rongtalbatgipa jillarangoni damsa ong·atna ine Meghalaya gitalgipa Mission: Clean Shillong 2027-ko a·bachengataha. Ia bilsi gni-na ka·nasienggipa kako a·dokni Skotong Mnister Conrad Sangma dakdilaha aro jabol grigipa sorokrang, grikgipa chiringrang aro rongtalgipa balwarangko ra·bana pilakkon ja·ku de·na mol·molataha.
National Games-ni somoio hajalni hajal kal·susagiparang aro touristrangko Shillongo nokchaksogen. “An·chingo rongtalbatgipa chibima aro rongtalbatgipa song donga – indiba maina rongtalbatgipa jillarangko maina man·jawa?” ine Skotong Minister manderangko sing·doaha.
Ia mission-ni ning·o dingtang dingtang dakna nanggnirang donga. Songdonggipa manderangan gittimtangtango japrakprakon rongtal-an·talatanirangko dakdilanggen, jabolrangko rokomni kri ma·ekanina tangkarangko man·gen aro “rongtalbatgipa gittim” ine bimungko man·na susagen. Jabol galani niamrangko saoba pe·genchimode, mobile app-ko jakkale sorkarina agane on·na, sorkarini on·gipa tangkarangchi sogipa jabolrangko a·sal tarina chimongchakani aro a·ningona chi joksolangani a·kolrangko tarina jakkalna man·gen.
Ru·uta bilsirangoni dongenggipa jabolrang, mongsongbate Marten jaboldamni jabolrangko tarina nangchongmotenga. Lak 1.2 tonrang ong·nasipile ia galchipgimin jabolrangko tarienga, aro 2027-ona kingking iako 100% bon·e tarina miksongenga. 2017 bilsio 40% ong·aoni, sogijagipa jabolrangko ma·ekani 2025 bilsio 50% tang·doaha aro sogipa jabolrangko a·sal tariani changbongana bate bariaha.
Shillongo skanggipa changna, Johkasu treatment technologyko jakkale aro kam ka·giparangna nanggipa skie on·anirangko dake chi moilarangko name galna kam ka·enga. Ia campaignni ning·o chi moilarangko chiringrangkona galaniko dontongna niamrangkoba tarienga.
Ia missionni ning·o balwa rongtalgijanirangkoba namatna krengenga. STEMS-ni (Sustainable Transport and Efficient Mobility Society) ning·o, bol-30 skul busrangko jakkaldimanichi bilsiprako carbon balwako wataniko 183 tonrangna bate komiataha. Re·baenggipa jarango iani changgni ong·atna miksonge a·dok kamrangko ka·enga.
Bol-wa·arangko ge·anirangko gisik nangen dakangkuenga, kror 1.8 bolrangko ge·aha aro re·baenggipa bilsi bongao hectare 39,100 a·arango ge·anirangko dakna miksongenga. Adita salrangna skang tarigimin Urban Mobility and Parking Policyrang gari bang·dugaaniko namatna jinmani garirangko jakkalna didina – bol 50 electric busrangkoba watenga.
Ia missionko kam-ona ra·bana, sorkari Shillong Municipal Boardko bilakbatatenga aro Greater Shillong jolo jabolrangko galaniko nirokna bil on·enga. 2025 bilsio, kam ka·gipa manderang changgni bariaha aro niamrangko nirokna manderangko rakkiaha aro niam-retirangko gital taridapenga.
Ia niamrangko segatanio namdapanirangko ba taridapanirangko dakna June 25 tarik, 2025-ona kingking jinmana cholko on·enga. Songdonggipa manderang, civil socity organizationrang, aro songni dilgiparang Shillong Municipal Board office-ona re·ange aganena man·gen ba email, phone gita watatna man·gen.
Na·simang ia video-koba nina man·gen:
Na·simang iakoba poraina man·gen: Umsning-o Career Guidance Programko chadamberangna ong·ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
