Tura, Jan 12: Association for Democracy and Empowerment (ADE)-ni Apex Committee, West Garo Hills-o Rajabala-ni Goalgaon jolo chadambe saksako jinma chadrape so·otaniko, ian misilbegipa aro mandeko ka·saninggija dakani ong·an baksana jakgitel ong·e saksa sakgipin baksa ku·mong nangrime dongani aro niam retirangko rakkianina kengniko ra·bagipa ong·a inenba jegalataha.
Sombar salo, Tura-oni on·atgipa press release-o ADE dol, ia ong·a obostako jinmani naljokanina, ka·o nanggipa dolrangni so·so jengjeng ong·atanina aro niam retirangko rakkianio jajrenganiko nakatatgipa ine janapataha. Bebe gita kakket bichalko ru·utatgenchimode, ian so·so jengjeng ong·atanina didianiko on·an baksana sorkario manderangni ka·donganiko komiatgen ineba uamangni dol mikrakataniko on·ataha.
ADE, duko ga·akgipa nokdangni manderangna kal·impaaniko on·atengon, Meghalaya a·dok sorkariko mandeni janggi, janggi tangani chol aro gisikni gita saknaaniko on·ahanina, kragipa ka·sae on·pilskaaniko ta·rake on·china didiataha.
Uamang mikkang niteagri aro somoi gita am·sandianiko dake, dos dakgiparangko rim·china, iano jak dongpagipa sakantini kosakon nalis ka·china aro mikkangchi iandakgipa kamrangko ka·na kena gita rakgipa sastiko on·china dabiataha. Iani gisepon, uamang iandakgipa misilbegipa obostarangko champengsona man·a gita sorkariko pangkamgipa champengsoani cholrangko ra·chinaba u·iataha. ADE Apex Committee Meghalaya-ni Additional General Secretary, Fremiush D Sangma ia u·iataniko on·ataha.
Na·simang iakoba nina man·gen:
Na·simang iakoba poraina man·gen: Rymbui, STEM bus-rangko baridapatna ku·chaka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
