Shillong, Feb 6: Meghalaya a•dokni skanggipa Automated Multilevel Car Park-ko Sukrobar salo, a•dokni Chief Minister Conrad K Sangma, Shillong songjinmani Vivekananda Road-o donggipa Additional Secretariat-o kulie on•angaha.
Ia Automated Multilevel Car Park-ko kulie on•anganio a•dokni Chief Minister aganprakangengon, Shillong songjinmao chagrongna nanggipa neng•nikanirangoni mingsade biap aro gari gorarangni apchangket ong•anian ong•enga ine aganenba, Shillong songjinmao biap aro ramarangni apchangket ong•aniko ka•sinsin namatna gita sorkari, dingtang dingtang cholrangko ra•gatenga aro ia salni bako kulie on•enggipa multilevel car park-ba uarangoni mingsa ong•enga ine parakataha.
Bol 1300-mangni gita garirangko donchakna da•o damskumangni gita multilevel cark park-rangko sorkari kulina siengkua ineba Chief Minister parakataha.
Gari donchakgipa biaprangko tariangkuna gita sorkari, a•a donggipa manderang baksa bakrimna dingtangmancha parking policy-ko tarienga ine janapatengon, a•a nokgiparang, ia biaprangoniko kajinarangko man•gen ine Chief Minister parakataha.
Manderang skatang garirangko donani a•selba apchangket ong•atako man•ronga ine janapatskaengon, manderang an•tangtangni garirangko donchakna man•na gita dingtangmancha gari donchakani biaprangko on•enga ine Chief Minister aganaha.
Shillong songjinmao biap aro ramarangni apchangket ong•aniko komiatna gita sorkarini ra•gatenggipa kamrangni gimin janapatengon, Khyndailad-o bus aro taxi-rangko donchakna biapko tariani, ramarango bostu palbadinggiparangko dingtang biapona apjitani, Umshyrpi-oni Seventh Mile-ona ramako apalatani, Rhino Museum Point-oni Civil Hospital aro Barik-ona rama dilbriko tariani baksana sorkari office-rangko New Administrative City-ona apjitatanian ong•enga ine Chief Minister parakataha.
Na·simang iakoba nina man·gen:
Na·simang iakoba poraina man·gen: Koela a•damo gopretanichi saknaa man•gipa sakchet manderangko hospital damgnio sanenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
