Guwahati, Jul 21: A•gilsako dal•batsranggipa hydropower dam-ko Arunachal Pradesh a•dokni simaoni adita kosako donggipa China a•songni Yarlung Tsangpo chibimao rikna a•bachengahaoba ian India a•songni salgro salaram a•dokrangna kenchakna nangani ong•kujawa ine Assam-ni Chief Minister Himanta Biswa Sarma aganskaaha.
China a•songo Yarlung Tsangpo minggipa chibimara India-o Brahmaputra mingskagipa chibima ong•a aro Sarma-ni aganani gitade, ia chibimani 65-oni 70 percent-ni gitade Arunachal Pradesh, Assam, Nagaland aro Meghalaya-o mikkarang waani a•selsa dal•barongaiani gimin China a•songo dal•begipa hydropower dam-ko rikengoba ian da•o dipet salgro salaram jolrangna kenchakna nangani dongkujawa.
Ia dam-ko China a•songni Nyingchi City-o rikenga aro ia dam rikna a•bachenganiko Sonibar salo, China a•songni Premier Li Qiang parakataha.
Ia hydropower project, jekon a•gilsako dal•batsranggipa hydropower project ine mingenga, iako China a•songni Yarlung Tsangpo ba Brahmaputra chibimao rikenganichi ian chibimani ka•ma jolrango donggipa biaprang, mongsongbate India a•songni salgro salaram jolrang aro Bangladesh a•songna kenchakna nanganiko ong•atenga.
Koborko on•ani gitade, ia hydropower dam-ko rikna gita US Dollars billion 167.8 tangkarangko hisapaha aro ia dam-ko Himalaya a•brini dal•begipa a•silango rikna sienga.
Ia dam-ko rikani bidingo kobor ra•timgipa manderang baksa agangrikengon, Brahmaputra chibimao Bhutan, Arunachal Pradesh aro Assam-o mikka waanichirangchisa chiko dal•batatenga aro China a•songo ia dam-ko rikenganichi salgro salaram a•dokrangna bang•e nangchakeaniko ra•bajawa ine Assam-ni Chief Minister Himanta Biswa Sarma aganaha.
China a•songo dam-ko rikanichi ian Assam-o chi bananirangko namatna dakchakani ong•gen ineba ua aganaha.
Ia dam-ko rikani bidingo India sorkari, China baksa agangrikgen ineba Sarma, an•tangni ka•dongchakenganiko parakataha.
Na·simang iakoba nina man·gen:
Na·simang iakoba poraina man·gen: Mingsinggipa film tarigipa Cellington Marak a·gilsakko wate re·anga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
