Tura, May 8: All India Radio (AIR)-ni a•songna dangdikanio bilsi 90 gapaniko maniani bak gita Sukrobar pringo, Tura-ni Akaskvani (AIR), Doordarshan Kendra (DDK) Tura baksa nangrime, Walkathon ba ja•achi re•susaaniko Tura-o ong•atangaha.
Ia Walkathon-ko Akashvani Tura-ni Assistant Director (Program) Ferdinand Marak, a•bachengate on•angaha aro iano, Tura DDK-ni Program Executive-rang, chong•motan TK Marak aro Kamal Koch-ba dongpae bak ra•angaha.
Ia kilometer 3.5-ni Walkathon-o me•asarang, me•chikrang, Tura Akashvani aro DDK-ni official-rang, kam ka•giparang aro uamangni nokdangrangko man•chape gimik sak 100-mangni gita bak ra•angtokaha.
Ja•achi re•susaaniko Tura Akashvani-oni a•bachengataha aro Najing Bazar-oni wenbapile, apsan biapon matchotateaha.
Ia Walkathon-ko a•bachengatna skang, Akashvani Tura-ni Assistant Director Ferdinand Marak aganprakengon, a•songni namroro silroroanina kam ka•anio All India Radio-ni on•gilanirangko janapangaha.
Walkathon matchotani ja•man, chegiparangna aro bak ra•giparangna medal aro certificate-rangko suale on•angaha.
Bon•kamao, Akashvani Tura-ni Program Executive Ida R Marak-chi mittelpilani kattarangko agane, program-ko matchotataha.
Na·simang iakoba nina man·gen:
Na·simang iakoba poraina man·gen: Rim•a man•gipa chadamberangko watpilchina dabie W’nagar-o jinma tom•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
