Shillong, Sep 26: 2014 bilsio A•chik National Volunteers Council (ANVC) aro ANVC-B dolrang baksa a•dok aro ma•mong sorkarini songgigrikanio soi ka•grikaniko nipiltaina gita Sukrobar salo, a•dok sorkari, Garo Hills Autonomous District Council (GHADC) aro ANVC dolrang baksa tom•aniko ong•atangaha.
Ia tom•aniko a•dokni Deputy Chief Minister Prestone Tynsong dilangaha aro tom•anio GHADC-ni dilgiparang aro ANVC dolgnini dilgiparangba bak ra•angaha.
Ia tom•anio ANVC aro ANVC-B dolrang baksa songgigrikaniko nipilangengon, District Council-rangko mangrakbatatani, Garo Hills-o skie on•chakram biaprangko namdapatani, rama jal•langrangko namdapatani aro uandakgipa dingtang dingtang namroro silroroani kamrangko ra•baani bidingo a•dok sorkari, ANVC aro ANVC-B dolni dilgiparang baksa chanchirimangaha.
Tom•a matchotani ja•man ANVC-B dolni gitcham chairman aro Tura-ni MDC Bernard N Marak, kobor ra•timgipa manderang baksa agangrikengon, 2014 bilsio je kamrangkon chu•sokate on•na ma•mong sorkari ANVC aro ANVC-B dolrangna ku•rachakahachim, ia kamrangko da•o chu•sokatna gita a•dok sorkari ku•rachakaniko on•angaha aro jagittamprakon kamrangko nipilna gita tom•aniko ong•atnaba ku•rachakaha ine parakataha.
ANVC aro ANVC-B dolrang baksa songgigrikaniko nipilna gita bilsichetmangna skang tom•aoni da•alsa tom•aniko ong•atpiltaiahani gimin a•dok sorkari, ANVC dolrang baksa songgigrikanirangko chu•sokatna kang•kare kae kam ka•na ku•rachakaniko on•angaha ineba Marak parakataha.
ANVC dolrang baksa songgigrikanio pangchake, GHADC-o kam ka•enggiparangni ja 44-ni dormaharangko on•na gita gong crore 252 tangkarangko man•chape gimik gong crore 664.49 tangkarangko Meghalaya sorkari, ma•mong sorkarioniko bi•ataha ine janapatengon, ianoni gong crore 308 tangkarangkode buring bolgrimrangko ripingna aro uandaken buring bolgrimrango nangchakegipa dingtang dingtang kamrangna jakkalanggen ine Marak parakataha.
Ia tangka paisarangko jakkalsretjana gita a•dok sorkari State Finance Commission-ko songna nanggen ine ANVC-B dolni gitcham chairman dabiangskaaha.
Na·simang iakoba nina man·gen:
Na·simang iakoba poraina man·gen: Lakh 7 damni bosturangko GH border-o rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
