Itanagar, May 30: Arunachal Pradesh-ni Skotong Minister Pema Khandu, APST certificate-rang, APST ong·gijagipa ma·a pani bi·sarang, Inner Line Permit (ILP) system aro niamgri napsrukbagiparangni bidingo man·enggipa neng·nikanirangko am·sandie nina a·dok sorkari chua gadango donggipa dol 4 committee-rangko songgen ine aganangaha.
Arunachal Indegenous Tribes Forum (AITF), All Arunachal Pradesh Students’ Union (AAPSU), ST Bachao Andolan Committee, sorkarini official-rang aro Ainni bidingo u·i-ma·sigiparang baksa agan-golpogrikaniko daka ja·man chua gadangni committee-rangko songna tik ka·angaha.
Ia committee ge·prakkon cabinet minister-chi dilanggen ine Skotong Minister u·iatengon, ia ja·ku de·aniko mikkang nitea gri ong·atna aro sakantian an·tangtangni chanchibewalanirang ba agan-ku·pattianiko on·a man·a gita gital songgipa dol ge·prakon janapbagimin dolrangoni member sakprak baksana Ainni bidingo u·i-ma·sigiparang, am·sandigiparang aro me·chik dolni dilgiparangkoba chaprimatgen ineba ua agandapangkuaha. A·dok sorkari ia committee-rangko Sombar salo officially parakatna ka·dongsoenga.
Committee-rangko an·tangtangni ku·pattianirangko ja 6-ni gisepo on·china aganengon, nangchongmota ong·ode haida ja 6-na bateba somoirangko on·dapnaba donga.
Skotong Minister, ILP system-ko namdapatna aro jolo songdonggipa tribal jatrangni bil-rangko naljoke rakkianio dakchakaniko on·a a·dok sorkari dingtang department-ko bikotgen ine janapataha. Ia antini a·bachengo konta 7-na chua gadangni tom·aniko ong·ata ja·man ia parakataniko dakataha.
Na·simang iakoba nina man·gen:
Na·simang iakoba poraina man·gen: Assam-ni Nagaon, Kampur jolo mongma kal·akanichi sakgni sia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
