Shillong, Apr 3: Arunachal Pradesh a·doko bilsi 25 ong·gipa me·chik saksako til·ekdrae so·ote galani gimin Shillong songjinmao donggipa Arunachal-ni chatro chatrirangba jegalgrimtokaha aro dos dakgipa manderangna ta·raken rakbatgipa sastirangko on·china dabiangtokaha.
Ia a·selni bidingo Arunachal-ni chatro chatrirang, Sonibar salo dingtangmancha mombatirangko so·e Arunachal Bhawan-o tom·chimongtokaha aro sianggipa me·chikna bi·chakangan baksana dos dakgipa manderangna ta·raken rakbatgipa sastirangko on·china dabiangtokaha.
Ia bilsi 25 ong·gipa me·chik, re·anggipa March 7 tarikonin gimaengachim aro uni manggisiko adita salrangna skangsan cha bagan damsaoniko man·ahachim.
Iani bidingo police-rang mande sakgniko rim·na man·ahachim.
