Shillong, Feb 13: Arunachal Pradesh-o Losar Festival-ko ong·atengani gimin Meghalaya a·dokni Chief Minister Conrad K Sangma-ba ia manianio bak ra·pana gita Sonibar salo, Tawang-ona re·angaha.
Meghalaya a·dokni Chief Minister Conrad Sangma-ko Arunachal Pradesh a·dokni Chief Minister Pema Khandu baksana Union Youth Affairs & Sports Minister Kiren Rijiju rimchaksoaha.
Tawang-ona sokangani ja·man uko mande ra·bee rimchaksoahani gimin ja·mano ua Arunachal Pradesh a·dokni Chief Minister aro Union Minister baksana Arunachal Pradesh a·dokni manderangko mittelpilataha.
Ia Losar Festival ba manianiko Arunachal Pradesh a·doko songdongenggipa manderang, sin·karini bon·ange balkari sokbaaniko rimchaksona gita manironga.
Meghalaya a·dokni Chief Minister Conrad Sangma-ni Arunachal Pradesh a·dokona re·ange ia manianio bakko ra·epaahani gimin Arunachal Pradesh a·dokni Chief Minister Pema Khandu-ba an·tangni kusi ong·aniko parakataha.
