Guwahati, Jul 6: Chang 16-gipa Assam Legislative Assembly-ni Budget session-ko Sombar salo, Dispur-o donggipa Assembly Chamber-o a•bachengataha aro ia session-ko July 31 tarikona kingking ong•atanggen.
Budget session-ko a•bachengatani salo, Assamese, English aro Bodo ku•sikrang baksana Hindi ku•sikkoba official language dake jakkalna Assembly-ni Speaker Ranjeet Kumar Dass parakataha.
Ia Budget session-ko a•bachengatani salo, Opposition Congress dolni MLA Jakir Hussain Sikdar aganprakengon, Assam-o ong•enggipa bijolini obostani gimin chanchirimna bi•angenba, Assam a•doko bijoli sirongengani gimin BJP-chi dilenggipa Assam sorkariko matnange aganangaha.
Ia session-o Raijor Dal-ni MLA Akhil Gogoi-ba aganprakengon, Assam a•doko lekka porani gita chatro chatrirangni neng•nikanirangko chagrongna nangengani gimin janapangskaaha.
Ia Budget Session-ko a•bachengatani salo, AIUDF-ni MLA Badruddin Ajmal-ba aganprakengon, niam gri songdongenggipa manderangko a•rike galengani gimin an•tangni suk ong•gijaniko parakangaha. Assam-o niam gri songdongenggipa manderangko rim•a man•genchimode, uamangko skatang walni somoirango a•rike galaigija, niamko ja•rikesa aro Bangladesh sorkari baksa agangrikchengesa nanga gita ja•kurangko de•na nangachim ine Ajmal aganaha.
Na·simang iakoba nina man·gen:
Na·simang iakoba poraina man·gen: Maini gimin M’laya-ni mondolirang, FCRA-ko taridapanina suk ong•tokjaenga?
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
