Tura, Jul 6: Tura-ni Babupara-o Garo Labour Corps Cenotaph-ko rikani kamrang 90 percent-de matchotaha. Kamrangko Sombar salo, Meghalaya a•dokni Cabinet Minister Marcuise N Marak, Preservation of Garo Arts, Culture & Heritage Sub-Committee-ni membor-rang aro dingtang dingtang dolni dilgiparang baksa niangaha.
Re•baenggipa July-ni 16 tariko manina sienggipa Garo Labour Corps Day-na tarisamsoanirangko niangani ja•man a•dokni Cabinet Minister, Garo Labour Corps Cenotaph-ni kamrangkoba niangjolaha.
Ia Garo Labour Corps Cenotaph-ko rikani kamrang ta•rakengani gimin an•tangni chu•ongnikaniko parakatengon, ia cenotaph-ko banggija jarangni gisepon matchotna ka•dongenga ine Marak, Hub News-na aganaha.
Marak-ni parakatani gitade, ia cenotaph-ni a•palo kamrangko matchotkujaenga gita nikgenchimoba, ia cenotaph-ni ning•o bewal kamrangkon matchotskaaha.
Kamrangko ta•raken ka•engani gimin ua dingtangmancha ia cenotaph-ni architect aro kamo bak ong•enggipa sakantikon mittelpilangjolaha.
July 16 tarikna skangde ia Cenotaph-ko matchotkujawani gimin ia bilsioba Garo Labour Corps Day-ko Tura-ni District Auditorium-o maniangtaigen aro dakrongbewal gita silchidarerangchi goe mande ra•anikoba auditorium a•palo dakanggen ine u•iataha.
Ia salko manina gita tarisamsoanirangkoba ia Committee nipilangaha aro je research ka•gipa dolkon ia sub-committee songe on•angahachim, uamangba First World War ba a•gilsak gimikni skanggipa dinggrikani somoio France a•songo dangdike on•egipa Garo Labour Corps membor-rangni bakdrangrangko sandimanaha. Ia manderangna, Garo Labour Corps Day-ko maniani somoio, uamangni pagitchamrangni kamrangna mittelpilskaani chin gita mande ra•pilskaaniko dakanggen.
Ia program-ko ong•atna gita Chief Executive Officer JRT Sangma-ni dilanichi, dingtangmancha Tura Municipal Board-na pakwate on•angaha.
Indake ong•engon, ia sub-committee-ni office-na, Garo Labour Corps Cenotaph-oni metre 300-mang chel•ao donggipa gitcham PWD Inspection Bungalow (IB)-ko tik ka•aha ineba kobor on•aha. Garo Labour Corps-na on•kange dingtangmancha war memorial-koba ia biapon tarina sienga. Bijoli aro chirang baksana ia nokko on•ahani gimin ia sub-committee, dingtangmancha PWD Building Division, Electricity Department aro Garo Hills Autonomous District Council-koba mittelpilangaha.
Na·simang iakoba nina man·gen:
Na·simang iakoba poraina man·gen: Chang 11-gipa State Shooting Championship-o, ge11 medal-rangko WGH-ni Shooter-rang chea
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
