Guwahati, Jan 21: Assam Skotong Minister Himanta Biswa Sarma, a·gilsakni dal·dalgipa karkanarangni dilgiparang baksa Davos-o ong·atgipa World Economic Forum (WEF)-o dingtang dingtang nangchongmotgipa tom·bimonganiko ong·atangaha, indake ua Salgro Salaram joloni ia tombimonganio bak ra·chenggipa Skotong Minister-ba ong·chengaha.
Ua Varaha Group-ni Chief Operating Officer, Ikarus Janzen-ko grongenba, Assam a·doko karini sin·a ding·anina maming nangchakea grigipa project-rang, jekai nambata gama ge·ani cholrang, a·a ba chiko rongtalatna jakkalgipa biochar aro jolo game ge·e cha·giparangna dakchakaniko on·a bolrang ge·aniko a·bachengatani bidingo agan-golpogrikaniko dakangaha.
Una agreba, Sarma, IBM-ni Vice Chairman Gary Cohn-koba Assam a·dokni namroro silroroanina tangka paisarangko koros ka·ani bidingoba chanchirimaniko dakangaha. Indake IBM-ni dolrang Skill Training, Artificial Intelligence aro gipin technology kamrangni project-rangko nina ta·raken Guwahati-ona re·anggen.
Assam a·dok buringo donggipa sambolrang aro matburingrangko ripinge rakkianio name kamrangko ka·enga ine u·iatengon, a·songo Kaziranga National Park-ba rongtalgipa biaprangoni ge·sa ong·paa ineba Sarma, tom·anio aganangaha. Iani gisepon, ua Kaziranga Elevated Corridor jean matburingrang mongsongbate grong ge·sangipa gondu-rangko naljoke rakkina dakchakgenchim uni bidingoba janapangaha.
Ia project-ko re·anggipa 2026 bilsini January 18 tariko India-ni Prime Minister Narendra Modi-ni jakchi a·bachengate on·angaha, jeon Supreme Court aro Wildlife Institute of India-ni ku·pattiani gita songreaniko namdapatani gisepon Kaziranga-o donggipa matburingrangko naljoke rakkina miksonganio NH-715 ramako a·palbatatanikoba man·chapa.
Na·simang iakoba nina man·gen:
Na·simang iakoba poraina man·gen: Chang 54-gipa Meghalaya Statehood Day-ko NGH-o mania
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
