Boko, Feb 9: Rabha National Council (RNC) aro Rabha National Women’s Council-ni (RNWC) bilsiantini tom·aniko Nalapara Rabha National Branch Council-ni dakchakanichi Assam-Meghalaya sima ari jolo, Assam-ni Kamrup a·jani Boko-ni Lalmati minggipa biapo Lalmati Regional Youth Association-ni kal·chakramo ong·atangaha. Ia salgnina ong·atanggipa programme-o Rabha jatrangni namroro-silroroani aro Rabha me·chikrangni songsarni namgnina kam ka·anirangni gimin chanchirimanirang baksa jatni dingtangmanchagipa su·ugipa dakbewalrangko mesokangaha.
Chang 151-gipa Luki Mouza Rabha National Council aro chang 34-gipa Luki Mouza Women’s Council-ni tom·bimonganirango jatni chrok-mesaanirangko daka baksana songsarko silroro-namroroatna aro mikkangchina ja·ku de·angna nanganirangni gimin chanchirimanirangko dakangaha. Bon·kamgipa salo tom·anio bang·a agipi dilgiparang bak ra·angaha jekai Guwahati-ni Mayor Mrigen Sarania aro Rabha Hasong Autonomous Council-ni Chairman Sonaram Rabha.
Uandake, jinmana parake aganatengon, Sonaram Rabha, Rabha Hasong Autonomous Council-ni dakgimin silroro-namroroani kamrangko talate on·angaha. Rabha ku·sikni bidingo am·sandianirangko dakna Guwahati University-o research centre-ko a·bachengataha ine ua aganangaha aro dingtang dingtang porikkarang jekai Assam Public Service Commission aro Union Public Service Commission-rangna Rabha chatro-chatrirangko tarisamsona dakchakna Delhi-o dingtangmancha coaching facility-rangkoba tik ka·e on·aha ineba ua aganangaha.
Bon·kamgipa salo tom·bimonganio High School Leaving Certificate aro Higher Secondary porikkarangko name chu·sokgipa Luki Mouza-ni chatro-chatrirangko mande ra·anirangko dakangaha. Ua jolo songdonggipa kamoni neng·takgipa skigiparang aro sorkarini chakkrirangkoba uamangni dangdike on·anirangna mande ra·anirangko dakangaha.
Na·simang iakoba nina man·gen:
Na·simang iakoba poraina man·gen: Rongjeng-o Mineral Water plant-ko kulia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
