Williamnagar, Feb 9: JJ Mineral Water Plant & Beverage-ni ‘Chimik’ minggipa Mineral Water ba ringani chi tarigipa karkanako Sombar salo, Rongjeng constituency-ni MLA Jim M Sangma-ni jakchi, Rongjeng-ni Chambildam-o kulie on•angaha.
Ia Rongjeng jolo skanggipa ringani chi tarigipa karkanako kuliani ong•enga aro ia karkanako kulianichi, jolo songdongenggipa manderangna rongtalgipa aro naljokgnigipa ringani chirangko on•na man•gnok ine ka•dongsoenga.
Ia karkanako kulina gita program-ko ong•atanio karkanani nokgipa Janseng R Marak, rimchaksoani kattarangko aganangchengaha aro ia karkanana, Rev Fr Projit D Sangma, Isolo bi•e pattianiko on•angaha.
Ia karkanako kulina pilta aro cake-ko ratani ja•man mongsonggipa ong•e sokgipa Rongjeng-ni MLA Jim M Sangma, gipin sokgiparang baksa, karkanako niangaha.
Mineral water pack ka•ani karkanako kulie on•anganio Rongjeng-ni MLA, tom•anio bak ra•giparangna aganprakangengon, ia karkanako kuliahani gimin karkana nokgipa Janseng R Marak, uni jikgipa aro karkanako kulianio jak donggipa pilaknan an•tangni namgipa skanirangko on•angaha.
Ia karkanako kulianiara Rongjeng jolna nambegipa ja•ku de•ani ong•enga ine janapatengon, ian jolo songdongenggipa manderangna namgipa ringani chikosan on•aigija, joltango bading chiwale cha•na gita didianiba ong•gen ine Sangma aganaha.
Rongjeng-o da•ode mineral water karkana dongahani gimin jolni manderang, mineral water-ko brena gita gipin biaprangona re•angna nangjawaha ineba ua aganaha.
Karkana nokgipa Janseng R Marak, Hub News baksa agangrikengon, ia karkanako kuliani miksonganiara, Rongjeng jolo songdongenggipa manderangna rongtalgipa aro naljokgnigipa ringani chiko on•an baksana jolni manderangna kamrangko ka•e cha•na cholrangko on•aniba ong•enga ine parakataha.
Da•o dipet ia karkanao kam ka•na gita joltangni saksku chadamberangko rakkiaha ine janapatengon, mikkangchi ia karkanao tarigipa chiko Garo Hills-ni gipin biaprangona aro Assam-onaba watatna man•gen ine karkana nokgipa, an•tangni ka•dongchakenganiko parakataha.
Na·simang iakoba nina man·gen:
Na·simang iakoba poraina man·gen: Ukhrul a·jani Litan-o golmal ong·ani ja·man champengatani niamrangko ra·gata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
