Guwahati, Jun 30: Assam a•dokni Nalbari a•jao donggipa Bakrikuchi songo, sorkarini bigha 450-na batgipa a•arango niam gri songdongenggipa manderangko Sombar salo, district administration a•rikgalna a•bachengataha aro ia biapo niam gri rikgipa te 100-na baten nokrangko bulldozer-rangchi pe•e galaha.
Sorkarini a•arangko ra•pilna gita ia biaprango niam gri rikgipa nokrangko pe•e galna nangaha ine official-rang parakataha.
Ia biaprango niam gri songdongenggipa manderangko a•rikgalna gita te 100-na baten nokrangko pe•e galanio, bang•a nokdangrang, mongsongbate me•chik aro bi•sarangni grape donganiko nikna man•aha.
District official-rangni parakatani gitade, ia biaprango niam gri songdongenggipa manderangko a•rikgalna skangan u•iatsamsoanirangko on•aha aro ia salni bako maming champengani grian kamrangko tom•tome matchotatna man•aha.
Indake ong•genchimoba, a•rikgalako man•gipa mitam manderangde, ia biapon batanggimin bilsi 30-40-mangna songdongbaengaha ine a•kangatskaenba, da•o kangal cholgri manderang bano songdongpana man•kugen ine sorkariko sing•doangtokskaaha.
Uamangna dingtang biaprangko on•skachina gitaba mitamrang sorkario dabiangtokaha.
Na·simang ia video-koba nina man·gen:
Na·simang iakoba poraina man·gen: Bangladesh-oni sakgni manderangko Cachar-o rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
