Guwahati, June 19: Assam a·doko an·o donggipa ma·giparangni siangani namen komibeaha ine a·dokni Skotong Minister Himanta Biswa Sarma, Guwahati-ni Lok Sewa Bhawan-o press conference-ko ong·atanio parakataha.
Kobor ra·timgiparang baksa agangrikengon, A·doko National Health Mission (NHM)-ko a·bachengani somoiode Assam doko an·o donggipa ma·giparangni siani 480-gipa gadangosa ong·achim indiba 2020-2022 bilsirangni gisepo Sample Registration System (SRS) Bulletin-ko ma·mong sorkari a·bachengataha aro iano chimonggimin data-rangko niatgenchimode Assam a·doko 125-ona kingking Maternal Mortality Rate (MMR) chong·motan an·o donggipa ma·giparangni siani tang·onaha ine Skotong Minister Sarma parakataha.
Assam a·dokan an·o donggipa ma·giparangni sianio tang·dobatgipa ong·achim indake ong·genchimoba NHM-ni ning·o sanna bannaniko on·anichi da·alo gipin a·dokrang jekai, Madya Pradesh, Chattisgarh, Uttar Pradesh aro Odisha-na bate an·o donggipa ma·giparangni siangani namen komibatskaengaha ineba Skotong Minister aganaha.
Indake sanna banniko a·doko on·jringgenchimode, re·baenggipa SRS Bulletin-o gipin a·dokrangna bate Assam a·dokan MMR-o nambatsranggipa ong·gen aro gipinrangnaba an·o donggipa ma·giparangna sanna bannaniko on·anio dakmesokgipa a·dok ong·gen ineba Skotong Minister ka·dongen parakataha.
Na·simang ia video-koba nina man·gen:
Na·simang iakoba poraina man·gen: Hahim-ni Assam-Meghalaya sima ari jolo Rabha jatrang Baikho festival-ko mania
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
