Dibrugarh, Dec 21: Robibar salo, a·songni Prime Minister Narendra Modi, Assam Dibrugarh a·jani Namrup-o Ammonia-Urea Fertilizer Project-na pangchakaniko songe on·angaha aro ian Assam a·doknasan ong·aigija salgro salaram jol gimiknan mongsonggipa project ong·enga ine parakangaha.
Ia project-ko Brahmaputra Valley Fertilizer Corporation Limited (BVFCL)-ni ning·o gong crore 11,000 korosrangchi rikna sienga aro ia karkanao, metric ton lak 12-na baten a·salrangko bilsiprakon tarina ka·dongenga.
Ia karkanana pangchakaniko songe on·anganio PM Modi, hajal kotok manderangna aganprakangengon, ian salgro salaram jolo manderangni ru·utbea bilsirangna nangnikaniko chu·sokatani ong·enga ine aganaha.
Dibrugarh-ona re·angna skang a·songni Prime Minister, Guwahati Airport-ni gital terminal-koba oprake on·angaha.
Ia gital fertilizer plant-ko kulianichi, Assam aro salgro salaramni gipin a·dokrango game ge·e cha·enggiparangna chu·onga gitan a·salrangko on·na man·gnok ineba ua aganaha.
Namrup-o ia gital karkanako kulianichi chadamberangna kam ka·e cha·ani cholrangko on·dapna man·gnok ineba PM Modi aganaha.
Gitcham sorkarirang, Assam-ni fertilizer unit-rangko galchipe, game ge·e cha·giparangko nichanggalrongachim ine Opposition Congress dolko matnangatengon, gitcham sorkari, ia jolrango donggipa gitcham karkanarangko chipate, game ge·e cha·giparangna neng·nikanirangko ra·baaha ine PM Modi aganaha.
Bangladesh-oni napsrukbagipa manderangko gitcham sorkari, Assam-o songdong a·chana gita cholrangko on·na jotton ka·aha ineba ua Congress dolko matnangataha.
Ia tom·bimonganio PM Modi, Assam-ni mingsinggipa manderang, jekai Chaolung Sukhafa, Lachit Borphukan, Bhimbar Deuri aro uandakgipa manderangkoba mittele aganangaha.
Ia Namrup Fertiliser unit-ko kuliahaon, Assam, Bihar, West Bengal, Jharkhand aro Uttar Pradesh a·dokrangnaba a·salrangko watgnok ineba ua parakataha.
Ia tom·bimonganio, Assam-ni Governor Lakshman Prasad Acharya, Chief Minister Himanta Biswa Sarma, Union Minister Sarbananda Sonowal aro dingtang dingtang dilgiparangba bak ra·angtokaha.
Na·simang iakoba nina man·gen:
Na·simang iakoba poraina man·gen: Ji Ramji Bill-ko ra·pilchina dabie Tripura Congress jingjengata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
