Shillong, Dec 21: Sonibar salo, University of Science and Technology Meghalaya (USTM) Jorbil Field, Greater Killing-o dingtangmancha Pre-Christmas Village Community Programme-ko ong•atenba an•saogipa manianirang baksa songni-nokni manderangmung namgipa bakrimaniko dakangaha.
Jorbil song; Greater Killing Community aro USTM Neighbourhood Mission baksa bakrime ong•ate ia programme-o poraia-skiani, an•seng-baljokani aro janggi tangani dakchake on•anichi samtangtango donggipa songrang baksa bilake bakrimna jotton ka•aniko mesokangaha.
USTM-ni Chancellor Mahbubul Hoque ia manianio bakko ra•e, poraia-skianio dal•roroanichi songsaro dingtanganiko ra•baanian university-ni miksongani ong•a ine parakataha. “Poraichakram biaprang uamangni dangdike on•enggipa songrang baksa nambatroroosa kakketgipa dal•roro-silroroanuko man•a,” ine ua USTM-ni songni-nokni manderangko bil gnangatna krenge kam ka•aniko talate aganangaha.
Ia manianio Greater Killing-oni poraina gisik nanggipa chatro-chatrirangko uamangni name chu•sokanina, aro songo-noko dangdike on•gipa chadamberang aro badin-chiwalanirangko a•bachengdilgiparangkoba mande ra•aniko dakangaha.
Songni-nokni dilgiparang jekai songni nokma aro All Killing Dorbar-ni manderangko uamangni kam ka•anina aro manderangko dilanina mande ra•aniko dakangaha.
Uandake, USTM-ni manderang budepa-buchumarangna kombolrangko sualataha aro free health camp-ko ong•ata baksana, PIMC digital health card-rangko sualate nangchongmotgipa sanna-banani aro an•seng-baljokani bidingo see rakkiani cholrangko on•aha aro iarangko ua jolo songdonggipa manderang namnikaha.
Maniani attamo Khasi aro Garo dolrang jattangtangni chrok-mesaanirangko dake mesokangaha aro unona re•bagipa bang•a chatro-chatrirang, nokdangeang aro songni manderang an•saoataniko man•aha.
Songbi-nokni manderang ua jolo manderangna iandakgipa manianirangko ong•tanina USTm-ko mitelaha aro ian bida aro songsarko nangdimatgipa ong•a ine aganangaha.
Na·simang iakoba nina man·gen:
Na·simang iakoba poraina man·gen: Assam-o cr 11,000-ni Namrup Fertilizer Project-na PM Modi pangchakaniko songa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
