Guwahati, Jan 11: Assam a·doko dingtang dingtang political dolni dilgiparang aro membor-rang, Congress dolo napangtokaha aro ia manderangko rimchaksona gita Robibar salo, Assam Pradesh Congress Committee (APCC), dingtangmancha tom·bimonganiko, Guwahati songjinmani Dispur-o donggipa Manabendra Sharma Complex-o ong·atangaha.
Ia program-ko ong·atanio, APCC-ni president Gaurav Gogoi, Congress dolni MP-rang, MLA-rang aro dingtang dingtang dilgiparangba bak ra·angtokaha.
Ia tom·aniko ong·atani bidingo kobor ra·tiimgiparangna talate on·angengon, dingtang dingtang dolrangni dilgiparang aro membor-rang, Congress dolona re·baaniara Assam a·dokko ku·cholsan ong·atna gita manderangni skaniko mesokanisa ong·enga ine APCC president Gaurav Gogoi parakataha.
Iandake Assam-o manderangni ku·mong nangrimanichi ia 2026 bilsini Assembly election-o Congress dol chu·sokgipa ong·gen ineba ua aganaha.
Electoral roll-rango Assam-ni chong·motgipa Assamese voter-rangko aro uamangni nokdangrangkon kimitgalenga ine BJP sorkariko matnangatengon, Upper Assam-ni constituency-rangoba BJP-ko jegalgipa manderangkode biming den·galna gita BJP-ni tom·anirangko tik ka·manaha ine Gogoi aganaha.
Ia tom·anio, Congress dolo napanggipa All Assam Minority Students Union (AMSU)-ni gitcham president Rejaul Karim Sarkar-ba kobor ra·timgipa manderang baksa agangrikengon, ua a·dokni manderangna kamko ka·na gita Congress dolni membor ong·e bak ra·aha ine parakataha.
Na·simang iakoba nina man·gen:
Na·simang iakoba poraina man·gen: Tripura Pradesh Congress-ni dilgiparang aro kam ka·giparang MGNREGA scheme-ni bidingo Agartala-o jingjengata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
