Boko, Jan 11: Robibar salo, Jananeta Sabyasachi Rabha Khetra-o tom·aniko ong·ate Kamrup District Rabha Students’ Committee-ko bikotaha aro ia tom·anio pilakan Rabha ku·sikchi chu·gimik ku·mikchetaniko dakangaha. District President aro General Secretary-na ku·mikchetaniko, All Rabha Students’ Union (ARSU)-ni President Motilal Rabha dakdilaha. Ia gitalgipa dolni executive member-rangna ku·mikchetaniko ARSU-ni Vice-President Pradip Rabha dakdilangaha aro General member-rangna ARSU-ni General Secretary Dr. Subhash Rabha-ku·mikchetdilangskaaha.
Ia gitalgipa Kamrup District Rabha Students’ Committee-o President-na Anand Rabha, General Secretary-na Ashok Nongbag, Vice President-na Namal Kumar Rabha, Assistant Secretary-rangna Ankur Rabha, Niranjan Rabha, Arbinda Rabha aro Utpal Rabha-mangko seokangskaaha. Ia seokako mangiparang bilsi 2-na kamrangko ka·anggen.
Motilal Rabha, program-o jinmana aganengon, ru·utgija salrangna skang New Delhi-o Union Minister Amit Shah, Assam-ni Skotong Minister Himanta Biswa Sarma aro Rabha Hasong Autonomous Council-ni padot Tankeswar Rabha baksa tom·bimongani gimin janapangaha.
Ma·mong sorkariba, Sixth Schedule-ni ning·o Rabha Hasong Autonomous Council-ko chapatpana dabianiko dakangkuna gita mediator committee ba nangrimgrikatgipa committee-ko a·bachengatna namnike ra·chakangaha ine ua u·iatengon, ian naljoke rakkienggipa biaprang jekai Goalpara a·jako niamgri napsrukbagiparangko champenganio dakchakaniko on·a man·gen ineba ua janapangkuaha.
Gorkha Kalyan Parishad, Bengali Youth Federation aro Gorkha Students’ Union ingipa dolrangni dilgiparangba ia tom·bimonganio dongpae bak ra·angpaaha.
Gital seokako man·gipa President Anand Rabha, ia gitalgipa committee jolo songdonggipa manderang baksa sepanggrike kamrangko ka·an baksana uamangni ku·pattianirangko ra·gen ine uni bon·kamgipa agananio janapataha. Iani gisepon, Rabha Hasong Joint Movement Committee re·baenggipa Assembly Election-o Boko-Chaygaon aro Palashbari constituency-rangoni Rabha Candidate-rangna chakpaaniko on·a mangsongenga ineba ua u·iatangkuaha.
Na·simang iakoba nina man·gen:
Na·simang iakoba poraina man·gen: Assam-o dingtang dingtang party-ni dilgiparang Congress-o napa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
