Guwahati, Jan 20: Sombar attamo, Assam a•dokni Kokrajhar a•jao donggipa Karigaon songo, dolsa manderangko matchu cha•ugiparang ine potchipenba, manderang jinma chadrapanichi, saksa so•otako man•aha aro gipin sakbri manderang, bilongbee saknaanirangko man•aha.
Ia a•sel ong•ani ja•man, ia manderangko chadrapanina songni manderang, jinma Karigaon police outpost-ko chadrapeskaaha aro Mongolbar pringo, National Highway (NH-27) ramako champengatenba, sianggipa mandena kakket bichalko aro dos dakgipa manderangko rim•china dabiangtokaha.
Police-rangni u•iatani gitade, ia a•sel ong•ani Sombar attam 7:30 bajimango, Kokrajhar Police Station-ni ning•o donggipa Gouri Nagar songo ong•aha. Dolsa manderang, gari bolsao re•baenggipa manderangko matchu cha•ugiparang ine potchipenba rama champengsoaha aro ramako champengsoon, ia gari maibakae a•sel ong•enba, ia manderangko champengsoenggipa manderang chadrapna a•bachengaha aro garikoba wa•al so•chipe galaha.
Walni 8:30 bajimango, ia a•selni gimin songni manderang kobor on•ata bakan Fire & Emergency Service-ni manderang, police-rang baksa ua biapona sokbaaha.
A•sel ong•anio so•ota man•gipa mandeara, Sikhna Jwhwlao Bismit ong•achim aro saknaa man•gipa manderangara, Prabhat Brahma, Jubiraj Brahma, Sunil Murmu aro Mahesh Murmu ong•a.
Ia a•selni bidingo police-rang da•o dipet sak 19 manderangko rim•aha aro ia jolrango so•sojengjeng ong•aniko champengna gita sipai dolrangko bang•en donataha ine Kokrajhar-ni Additional Superintendent of Police (ASP) Nabanita Sharma parakataha.
Na·simang iakoba nina man·gen:
Na·simang iakoba poraina man·gen: Rajabala-o mande so•otanio matnangako man•gipa sakchetko police-rangni jako dona
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
