Boko, Aug 31: Assam Kamrup a·jani Chaygaon police station ning·o donggipa Tukrapara songo, chadambe saksani manggisiko Robibar salo, Kolohi chibimaoniko man·aha.
Ia chadambeara Ajahar Ali minggipa mande ong·achim aro ua salgnina skangsan, ong·na kragija bewalo gimaahachim.
Ia chadambe, Guwahati songjinmani private online company-o kamko ka·engachim aro uni AS-01FX 6741 Bajaj Platina motorcycle-ko Sonibar salosan Kukurmara police outpost-ni ning·o donggipa Jarabari buringo gale donako man·aha.
Kukurmara police outpost-ni in-charge Kashyap Das-ni u·iatani gitade, ia chadambeni ma·drangrang, Sukrobar salo, missing report-ko on·aha indiba Robibar pringo, songni manderang, uni manggisiko Kolohi chibimao balboe dongako nikaha.
Ia manggisini dingtang dingtang bakrango mata bu·ani chinrang dongani gimin ia chadambeko saobarangsa so·ote chibimao galahakon ine police-rang chanchichipenga.
Ja·mano ia chadambeni manggisiko Jorshimuli-ni police-rang, post mortem ka·na watataha aro ia chadambeni siani a·selko sandina a·bachengataha.
Na·simang iakoba nina man·gen:
Na·simang iakoba poraina man·gen: BJP, PM Modi-ni ma·gipa sagi-ko onia ka·e agananina Rahul Gandhi-ni kosako jegalaniko dakanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
