Guwahati, Dec 30: Assam a·doko chel·chakgipa sipai dolrang, bobil dake chakatgipa dolrangni kamrangko nirikkienba, Imam Mahmuder Kafila (IMK) dolni sak 11 manderangko rim·na man·aha.
Rim·ako man·gipa manderangara, bilsi 24 ong·gipa Nasim Uddin ba Najimuddin ba Tamim, bilsi 38 ong·gipa Junab Ali, bilsi 24 ong·gipa Afrahim Hussain, bilsi 46 ong·gipa Mizanur Rehman, bilsi 40 ong·gipa Sultan Mehmud, bilsi 46 ong·gipa Md Siddique Ali, bilsi 28 ong·gipa Rasidul Aalam, bilsi 25 ong·gipa Mahibul Khan, bilsi 22 ong·gipa Sharuk Hussain, bilsi 26 ong·gipa Md Dilbar Razak aro bilsi 33 ong·gipa Jagir Miah ong·achim ine ma·sina man·aha.
India a·songni sipai dolrang, Jihadi bobil dolrangni kamrangko, salgro salaram a·dokrango, mongsongbate Assam a·doko nirikkienba, ia manderangko rim·na man·aha.
Ia IMK dolara, Bangladesh a·songni Jamaat-ul-Mujahideen Bangladesh (JMB)-oni ong·kattaigipa bobil dol ong·a aro ia dolko 2018 bilsio JMB-ni gitcham membor, Jewel Mahmud ba Imam Mahmud Habibullah ba Sohail bikotaha.
Re·anggipa 2024 bilsini August jao Bangladesh sorkari be·gruani ja·man, JMB, Ansarullah Bangla Team (ABT) aro Al Qaeda in Indian Sub-Continent (AQIS)-ni dilgiparang, IMK-ni kamrangko India a·songni dingtang dingtang biaprango giproroatchina gita IMK-ni dilgiparangna ge·etaniko on·aha ine kobor on·aha.
Rim·a man·gipa manderangni kosako Bharatiya Nyaya Sanhita (BNS) 2023 aro Unlawful Activities (Prevention) Act (UAPA) 1967-ni dingtang dingtang section-rangni ning·o mokordomako segataha.
Na·simang iakoba nina man·gen:
Na·simang iakoba poraina man·gen: U Kiang Nangbah-ni chang 163-gipa siani salko gisik ra·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
