Shillong, Sep 18: Meghalaya a•dokoni re•angenggipa garirangko, mongsongbate tourist taxi-rangko Ri Bhoi a•jani Jorabad aro Khanapara-o Assam-ni tourist taxi dolrang champengatskaani ja•man All Khasi Meghalaya Tourist Taxi Association (AKMTTA)-ni Mongolbar sal dipet jingjengataniko Bristibar salo dontongataha.
Meghalaya a•dokoni re•angenggipa garirangko Assam-o champengsoani a•sel nangchongmota kamrangna songre songgabatenggipa manderang neng•nikanirangko chagrongna nangtokengani gimin Bristibar salo, East Khasi Hills a•jani Deputy Commissioner, AKMTTA-ni dilgiparang baksa tom•e agangrikaha aro uandaken ja•mano AKMTTA-ni membor-rang, jingjengataniko dontongna tik ka•aha.
Re•anggipa Mongolbar salonin AKMTTA-ni membor-rang, Assam-oni re•baenggipa tourist taxi-rangko a•dokni dingtang dingtang biaprangona salrurajachina dabie jingjengatanirangko dakangaha aro iani ja•man Assam-ni tourist taxi dolrangba, Meghalaya a•dokoni re•angenggipa garirangko champengsoskaaha.
Iandake dolgni nanggrikani a•sel nangchongmota kamrangna songre songgabatenggipa manderangsa neng•nikanirangko chagrongna nangskaaha.
Iani bidingo kobor ra•timgipa manderang baksa agangrikengon, re•baenggipa September 23 tariko a•dok sorkari, association baksa tom•aniko ong•atna district official-rang ku•rachakaniko on•ahani gimin uamang jingjengataniko dontongna tik ka•aha ine AKMTTA-ni dilgipa Balajied Jyrwa parakataha.
Ia tom•aniko Chief Minister-ni office-o ong•atnaba gnang aro ia tom•anio AKMTTA-ni membor-rang, Transport aro Tourism department-ni official-rangba dongpae, association-ni dabianirangko nipilanggen.
Assam-oni re•baenggipa garirangko aro tourist-rangko uamang dokkol ka•a ong•jachim ine janapatengon, Assam-oni re•baenggipa garirangko AKMTTA-ni membor-rang rim•e donenga ine tol•e jangbingbangatani a•selsa Jorabad aro Khanapara-o Assam-ni taxi dolrangba jingjengatskaaha ine Jyrwa parakataha.
Na·simang iakoba nina man·gen:
Na·simang iakoba poraina man·gen: Assam-ni Assembly election ong·nasiengon Electoral Roll-ko nipiltaia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
