33 C
Tura
spot_img

Assam-o mongmana kenna nangengani gimin manderangko mikrakata

Must read

Boko, May 14: Assam a•dokni Kamrup jolrango mongmarang cha•ramengani a•sel manderang kenchipchipe janggi tangna nangtokengani gimin manderangna aro mongmarangnaba naljokaniko on•na gita Assam-ni Forest department, dingtang dingtang biaprangona re•roroe, manderangna mikrakatanirangko on•angaha.

Advertisement

Koborko on•ani gitade, batanggimin salrango Dakuapara, Pakharapara, Chandmari, Sakhati, Mouman Tangabari, Jongakhuli aro mongsongbate West Kamrup Division-ni Singra Forest Range Office ning•o donggipa buringrango mongmarang cha•ramengani a•sel songni nokni manderang, ong•katna man•gija noktangtangon nape dongna nangtokengachim.

Songni manderang waloba tuna cha•na man•gija aro saloba kamtangtangchi re•na man•gija dongna nange neng•nikanirangko chagrongna nangtokenga ine kobor on•timgiparang u•iataha.

Advertisement

Indake ong•engon, songni nokni manderang kenchipchipe dongna nangtokengani gimin Forest department-ni official-rang, dingtang dingtang songrangna re•roroe, manderangna mikrakatanirangko on•na a•bachengataha.

Forest department-ni Ranger Bhargabh Hazarika-ni kobor ra•timgiparangna parakatani gitade, mongmarang baksa chagrongna nangjana gita aro maming a•sel ong•anirang dongjana gita mongmarangni cha•ramengmiting somoirango mongmarangoni chel•e dongchina songni manderangko uamang mikrakataha.

Advertisement

Indake ong•genchimoba, mongmarang dingtang dingtang songrangona re•ange, manderangni bagan bari aro gama ge•anirangko nosto ka•e galengahani a•sel songni manderang bang•en noksan ong•na nange neng•nikanirangko chagrongna nangtokskaengaha ine kobor on•aha.

Na·simang ia video-koba nina man·gen:

Na·simang iakoba poraina man·gen: Garo Hills-o buringni mongma mangsa bijoli nange sia

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub

spot_img

More articles

spot_img
-->

Latest article