Guwahati, Jan 8: Assam-o Union Textiles Ministry-ni salgnina ong•atenggipa national level conference-ko Bristibar salo, Guwahati songjinmani Sonapur-o a•bachengataha aro ia conference ba tom•bimonganio, salgro salaram a•dokrango ba•ra dokani cholrangko mangrakbatatna gita chanchirimanirangko dakenga.
Ia conference-ko January-ni 8 aro 9 tarikrango ong•atenga aro ia conference-ko a•bachengatanio, Union Textiles Minister Giriraj Singh, External Affairs-ni Union Minister of State Pabitra Margherita, Haryana-ni Chief Minister Nayab Singh, Assam-ni minister-rang aro dingtang dingtang official-rangba bak ra•angaha.
Ia conference-o kobor ra•timgipa manderang baksa agangrikengon, ia salgnina ong•atenggipa conference-ara, India a•songni textile sector-ko dollar billion 350-ona ra•dona nisan donaniko chu•sokatna miksonge ong•atanian ong•enga ine Union Textiles Minister Giriraj Singh aganaha.
Salgro salaram a•dokrango ba•ra dokaniko mongsonggipa ong•e ra•ani gimin ia national conference-ko Assam-o ong•atenga ineba Singh parakataha.
Guwahati songjinmao Textiles Ministry-ni mongsonggipa project-ko a•bachengataha aro ia project-ko salgro salaram jolni pilak biaprangon ra•gatanggen ineba ua aganaha.
Da•o dipet China aro Vietnam a•songrangan ramie kildingko bang•bate tarigipa ong•enga ine janapatengon, da•alona kingkingan India a•song, gipin biaprangonikosa metric ton 45,000-mangni gita kildingrangko ra•baenga aro iako sorkari dingtangatna miksongenga ine Union Textiles Minister aganaha.
Textiles Ministry-ni kamrango dakchake on•engani gimin ua dingtangmancha Assam a•dokni Chief Minister Himanta Biswa Sarma-koba mittelpilangaha.
Na·simang iakoba nina man·gen:
Na·simang iakoba poraina man·gen: Scorpions-ni bilsi sotbonga ong•aniko manina band-ni manderang April 2026-o India-ona re•banasia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
